Шууд Chart

Триполи хотын усан хангамжийг зэвсэгт этгээдүүд тасалдуулжээ

2019-05-21 16:17:11

Ливийн нийслэл Триполи хотын усан хангамжийг зэвсэгт этгээдүүд тасалдуулж, нутгийн иргэдийг түгшээж байна. Энэ тухай Ливийн албаны эх сурвалжууд ярьжээ. Эх сурвалжуудын мэдээлснээр, ням гарагт зэвсэглэсэн хэсэг эрэгтэй Сахараас газрын гүний усыг Ливийн баруун бүсэд хүргэдэг ус дамжуулах сүлжээнд халдсан байна.

Зэвсэгтэй хүмүүс байгууламж руу довтолсны дараа усны цооногоос ус шахуургадахаа больж, станцын ажилчид хяналтын хавхлагуудаа хаан, ус шахуургаа зогсооход хүрчээ.

Ливийн удирдагчид энэ халдлагад Халифа Хавтарын хүчнийг буруутгаж байгаа бол усан хангамжийг тасалдуулсан явдал нь дайн байлдааны хуулийг зөрчсөн гэмт хэрэгт тооцогдож магадгүй гэж НҮБ мэдэгдэж байна.

Өнгөрөгч дөрөвдүгээр сарын эхээр Ливийн Фиелд Маршал Халифа Хавтарын цэргүүд нийслэл Триполи хотод халдсан ч, НҮБ-ын хүлээн зөвшөөрсөн Ливийн төв Засгийн газрын цэргүүд тэдний замыг барьж тогтоосон юм.

Нийтэлсэн: Mонголын радио

Триполи хотын усан хангамжийг зэвсэгт этгээдүүд тасалдуулжээ  
Үзсэн: 126 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй