Шууд Chart

Бичил уурхайчдыг эрүүл мэндийн үзлэгт хамруулав

2019-05-22 14:05:07

Дархан-Уул аймгийн Шарын гол суманд бичил уурхай эрхэлдэг иргэдийг энэ сарын 21-ний өдөр эрүүл мэндийн үзлэг, шинжилгээнд хамрууллаа. Тус суманд бичил уурхай эрхэлж, ажил амьдралаа залгуулдаг 1000 орчим иргэд байдаг байна.

Энэ өдрийн эмнэлгийн үзлэгт 100 гаруй бичил уурхайчид хамрагдлаа. Тэд шээс, цусны шинжилгээ, эхо, зүрхний аппаратын үзлэг, нүд, чих хамар хоолой, дотор, мэдрэл зэрэг 12 төрлийн үзлэг шинжилгээ бүхий эрүүл мэндийн үйлчилгээг авсан юм.

Дээрх ажлыг аймгийн БОАЖГ-аас аймгийн Эрүүл мэндийн газартай хамтран уламжлал болгон зохион байгуулсаар ирсэн талаар аймгийн БОАЖГ-ын дарга П.Энх-Амгалан хэлж байна. Бичил уурхайчдын зүгээс тэдний эрүүл мэндэд аймаг, орон нутгаас анхаарал хандуулан эрүүл мэндийн нарийн үзлэгийг хийж, оношилж, заавар зөвлөгөө өгдөгт талархаж байв.

М.Гүнжилхам
Дархан-Уул аймаг


Бичил уурхайчдыг эрүүл мэндийн үзлэгт хамруулав  
Үзсэн: 97 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй