Шууд Chart

Монголын эрэгтэй баг БНСУ, Австралийн багтай тоглоно

2019-05-24 13:06:00

FIBA 3×3 сагсан бөмбөгийн насанд хүрэгчдийн Ази тивийн аварга шалгаруулах тэмцээн эдгээр өдрүүдэд БНХАУ-ын Чангша хотод болж байна. Энэ удаагийн тэмцээнд эрэгтэй 22, эмэгтэй 13 улсын баг өрсөлдөж байна.

Монголын эрэгтэй, эмэгтэй багууд чансаагаараа үндсэн хэсэгт багтсан учраас урьдчилсан шатанд тоглоогүй. Тэгвэл урьдчилсан шатнаас БНСУ-ын баг Энэтхэг, Малайз, Ванату арал улсуудын багуудтай тоглож, цааш өрсөлдөх эрхийг авлаа.

Өнөөдөр Монголын эрэгтэй баг БНСУ, Австралийн багуудтай тоглоно. Мөн манай эмэгтэй баг Казахстан, Киргизстантай “В” хэсэгт багтсан бөгөөд маргааш тоглох хуваарьтай байна.

Монгол Улсын эрэгтэй баг Ази тивийн аварга шалгаруулах тэмцээнээс алт, мөнгөн медаль хүртэж байсан бөгөөд өнөөдөр эхний тоглолтоо БНСУ-ын багтай хийх юм. Тоглолт 16:00 цагаас болох бөгөөд удаах тоглолтоо 20:15 цагаас Австралийн багтай хийнэ.

Тэмцээнийг MNBA SPORTS TV Channel шууд дамжуулан хүргэж байна.

3х3 сагсан бөмбөгийн насанд хүрэгчдийн Ази тивийн аварга шалгаруулах тэмцээний медалын төлөөх тоглолтууд Ням гаригт /2019.05.26/ болно.

БНСУ-ын багийн талаар товч мэдээлэл хүргэе.

Тэд урьдчилсан хэсэгт хожигдолгүй хэсгээ тэргүүлснээр Монгол улсын багтай нэг хэсэгт багтсан юм. Бас энэ багаараа дэлхийн аваргад оролцоно.

Багийн тоглогчдыг танилцуулъя.

Багийн хамгийн өндөр (205 өндөртэй) хамгийн ахмад (41 нас) тоглогч нь Seung Jun Lee. (Америкт төрсөн ч солонгос иргэншилтэй) Тэрбээр  БНСУ-ын 5х5 шигшээ багт багтаж 2010 оны Азийн наадмаас мөнгө, 2013 оны Азийн аварга шалгаруулах тэмцээнээс хүрэл медаль хүртэж байсан. Улсынхаа лигийн шилдгүүдийн нэг юм.

Онооны лидер Jinsu Park: Өмнөх Азийн аваргаар гялалзсан тоглогчдын нэг хурдтай, залалт сайтай, шидэлттэй тоглогч

Kim Dongwoo: Бас довтолгоо сайтай тоглогч, урьдчилсан шатанд нэг тоглолтод дунджаар 7 оноо авсан үзүүлэлттэй тоглоод байна.

Dongyoung Jang: 5х5 сагсаар бол цэвэр холбогч. Түүний хувьд хамгаалалтыг сэтлээд багийнхандаа боломж үүсгэдэг, тоглолтыг мэдэрч оновчтой шийдвэр гаргадаг ур чадвартай тоглогч гэдгийг мэргэжилтнүүд үзжээ.

Нийтэлсэн: У.Баярсайхан

Монголын эрэгтэй баг БНСУ, Австралийн багтай тоглоно  
Үзсэн: 173 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй