Шууд Chart

Харилцан туршлага судаллаа

2019-05-27 10:15:28

ОБЕГ-ын Гамшгаас урьдчилан сэргийлэх газрын хэлтсийн дарга, дэд хурандаа Д.Бат-Эрдэнэ, МУЗН-ийн Гамшгийн менежментийн хөтөлбөрийн мэргэжилтэн Ч.Нямхүү нар Непаль улсад зохион байгуулагдсан “Гамшгийн хор уршгийг арилгах олон улсын сургалт, дадлага сургууль, туршлага солилцох үйл ажиллагаа”-д оролцоод ирлээ.

Непал Улсын арми, АНУ-ын Энэтхэг-Номхон далайн армийн командлалтай хамтран зохион байгуулсан тус хурал газар хөдлөлтийн гамшгийн эсрэг хариу арга хэмжээ авах онолын болоод хор уршгийг арилгах, цагийн байдлыг үнэлэх команд штабын сургууль, нуранги, уул, уснаас эрэн хайх, хээрийн эмнэлэг дэлгэх, нүүлгэн шилжүүлэх дууриалган үзүүлэх дадлага сургууль болон туршлага солилцох үйл ажиллагаа гэсэн дөрвөн үе шаттайгаар явагдсан байна.

“Гамшгийн үеийн цэрэг-иргэний харилцан ажиллагааг сайжруулж, Ази номхон далайн бүсийн улс орнуудын хамтарсан бэлэн байдлыг нэмэгдүүлэх, хүмүүнлэгийн байгууллагуудын зохион байгуулалтыг хангах” сэдэвт тус уулзалтаар оролцогч талуудын гамшгаас хамгаалах мэдлэг, чадварыг нэмэгдүүлж, харилцан туршлага солилцжээ.

Энэхүү сургалт нь Онцгой байдлын ерөнхий газраас АНУ-ын Элчин сайдын яам, Энэтхэг, Номхон далайн цэргийн командлалтай хамтран жил бүр зохион байгуулдаг “Говийн чоно” олон улсын сургалт, дадлага сургуультай адилхан байснаараа онцлог байлаа гэж Онцгой байдлын ерөнхий газраас мэдээллээ. 


Харилцан туршлага судаллаа  
Үзсэн: 129 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй