Шууд Chart

Ховд аймгийн Мөст сумын харьяат, сумын заан Ц.Төмөрцоож түрүүлжээ

2019-06-04 09:48:26

МҮБХ-ноос сар бүр сумын цолтой болон залуу бөхчүүдийн барилдааныг зохион байгуулдаг билээ.

Саяхан болсон 85 дахь удаагийн хаалтын барилдаанд 416 бөх уран мэх, авхаалж самбаагаа сорин барилдсанаас Ховд аймгийн Мөст сумын харьяат, сумын заан Ц.Төмөрцоож ес даван түрүүлж, Увс аймгийн Наранбулаг сумын харьяат, сумын заан Б.Батбаян үзүүрлэв.

Их шөвөгт Увс аймгийн Баруунтүрүүн сумын харьяат, сумын заан Э.Гансүх, Сүхбаатар аймгийн Түмэнцогт сумын харьяат, сумын заан Э.Буянтогтох нар шалгарчээ.

Дашрамд дуулгахад, цэргийн цол чимэг олгох “Бүх цэргийн наадам-2019” бөхийн барилдаан энэ сарын 9-д Монгол бөхийн өргөөнд болно.

Нийтэлсэн: У.Баярсайхан

Ховд аймгийн Мөст сумын харьяат, сумын заан Ц.Төмөрцоож түрүүлжээ  
Үзсэн: 712 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй