Шууд Chart

“Азийн ардын урлагийн их наадам” өнөөдөр эхэллээ

2019-06-12 10:51:16

Монгол Улсын Ерөнхий сайд У.Хүрэлсүхийн ивээл дор зохион байгуулагдах “Азийн ардын урлагийн их наадам” өнөөдрөөс энэ сарын 16 хүртэл Улаанбаатар хотноо болно.

Монгол Улсад анх удаа зохион байгуулагдаж буй энэхүү наадамд Монгол, Малайз, БНХАУ, Япон, БНСУ, Франц, Турк, Энэтхэг, ОХУ, Буриад, Тува, Узбесктан гэсэн 12 орны 200 гаруй оролцогч мөн нийслэл, 21 аймгаас үндэсний 1500 гаруй ардын авьяастан оролцож ур ухаан, авьяас чадвараа сорин өрсөлдөх юм.

Их наадмыг ардын урлагийн наадмуудын дэлхийн ассоциациас томилогдсон мэргэжлийн шүүгчид шүүн тунгаах бөгөөд гран при шагналтан 4000, дэд байр 2000, гутгаар байр 1000 eврогийн шагнал хүртэнэ.

Их наадмын урьдчилсан шалгаруулалт энэ сарын 12-14-ны хооронд ардын дуу, ардын бүжиг, ардын хөгжим, язгуур урлагийн чуулга, зан үйлийн чуулга гэсэн таван төрлөөр Нийслэлийн соёлын төв өргөө, Улсын Филармони, Хүүхэлдэйн театр, Хүүхдийн ордон, Улаанбаатар чуулгад явагдана.

Харин гадаад оролцогчдын шалгаруулалт маргааш Нийслэлийн Соёлын төв өргөөнд болно.  

Тус уралдаануудаас шалгарсан үндэсний болон гадаадын оролцогчдын шилмэл бүтээлүүдээс бүрдсэн нэгдсэн тоглолт, шагнал гардуулах ёслолын ажиллагаа энэ сарын 15,16-нд Д.Сүхбаатарын талбайд болно.

Их наадмын нэгдсэн хөтөлбөрт:

06-р сарын 13-нд 16.00 цагт
“Их наадмын нээлтийн ажиллагаа”
06-р сарын 14-нд 19.00 цагт
“Соёл урлаг-үндэстний дархлаа” хүндэтгэлийн тоглолт
06-р сарын 15,16-нд 11.00-19.00 цагт
“Ардын урлагийн фестиваль”
“Зан үйл, өв соёлын хотхон”
06-р сарын 15-нд 19.00 цагт
“Шилдэг оролцогчдын нэгдсэн тоглолт”
06-р сарын 15-нд 19.00 цагт
“Их наадмын хаалт, шагнал гардуулах ёслол” Д.Сүхбаатарын талбайд зохион байгуулагдана.

Нийтэлсэн: У.Баярсайхан

“Азийн ардын урлагийн их наадам” өнөөдөр эхэллээ   
Үзсэн: 484 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2019-06-16 18:02
Shagnald shalgarsan hvmvvsiin nersiig todorhoi harmaar bn

Бидэнтэй нэгдээрэй