Шууд Chart

Газрын тос боловсруулах үйлдвэрийг Сайншандтай холбох авто замын ажил 80 орчим хувьтай байна

2019-06-12 13:14:25

Дорноговь аймгийн Алтанширээ суманд баригдах газрын тос боловсруулах үйлдвэрийг Сайншанд хоттой холбох 16.36 км авто замын бүтээн байгуулалт 80 орчим хувьтай байна. Замыг ирэх есдүгээр сард багтаан дуусгана. Мөн Цахилгаан хангамжийн 110 КВ-ын дамжуулах агаарын шугам, дэд станцыг долоодугаар сарын 1 гэхэд хүлээлгэж өгөхөөр байна гэж Дорноговь аймгийн Засаг дарга Т.Энхтүвшин ярилаа.

Жилд 1.5 сая тонн газрын тос боловсруулж 1.2 тэрбум долларын импортыг орлох, стратегийн ач холбогдолтой үйлдвэрийн хотхоны бүтээн байгуулалтын ажлыг наймдугаар сараас эхлүүлэхээр Засгийн газар шийдвэрлэсэн. Хотхон таван давхар барилгууд бүхий 550 айлын орон сууц, оффис-үйлчилгээний цогцолбор, дэд бүтэц, гадна тохижилт, ногоон байгууламж зэргээс бүрдэх юм.


Газрын тос боловсруулах үйлдвэрийг Сайншандтай холбох авто замын ажил 80 орчим хувьтай байна   
Үзсэн: 246 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй