Шууд Chart

Малайзын авлигатай тэмцэх байгууллагын дарга ажлаа өгсөн шалтгаанаа тайлбарлав

2019-06-12 16:13:51

Малайз улсын Авлигын эсрэг хорооны өмнөх дарга Мод Шукри Абдул хоёр жилийн гэрээт хугацааныхаа талд нь ажлаа өгч буйгаа ямар нэгэн дарамт, шахалттай холбоогүй, халагдаагүй тухайгаа тайлбарлажээ. Мөн тэрээр олон нийтэд хандан шинээр томилогдсон удирдлага болох хатагтай Латифа Кояагийн цаашдын ажилд дэмжлэг үзүүлэхийг уриалсан байна.

Тэрээр хэвлэлийн хурлын үеэр “Намайг халсан гэх яриа нь ор үндэслэлгүй зүйл, Авлигын эсрэг хорооны даргын ажлыг өгч буй үйл явдлыг тайвнаар хүлээж авахыг олон нийтээс хүсье. Би хэзээ ч авлига авч байгаагүй, нэг центийг ч эрх мэдлээ ашиглан буруу зарцуулаагүйн дээр нэг ч хэргийг дарагдуулж, хаагаагүй” гэж мэдэгджээ.

Түүний гэрээт хугацаа нь 2020 оны сүүлээр дуусах байсан ч Ерөнхий сайд Махатир Мохамедийн засаг захиргааны нөлөөгөөр хугацаанаасаа өмнө ажлаа өгч байна гэх эргэлзээ ч байгаа билээ.

Өдгөө 59 настай ноён Шукри нь тус хороонд ажиллаж байгаад 2016 онд “хүчээр” тэтгэвэрт суусан ч өнгөрөгч оны 5 дугаар сард хорооны даргаар томилогдон дахин ажиллах болсон юм. Ингэхдээ тэрбээр хоёр л ажлыг гүйцэтгэх гэж ирсэн хэмээн ярьсан байдаг. Нэгт, өмнө нь ерөнхий сайд болон сангийн сайдаар ажиллаж байсан Нажиб Разактай холбогддог “1Малайз Девелопмент” Олон нийтийн хязгаарлагдмал компанийн хэрэг /1Malaysia Development Berhad scandal/-ийг мөрдөн шалгах ажил. Хоёрт, Авлигын эсрэг хорооны дотоод асуудал, ажилчдын зөрүүтэй байдлыг арилгах гэжээ.


Малайзын авлигатай тэмцэх байгууллагын дарга ажлаа өгсөн шалтгаанаа тайлбарлав  
Үзсэн: 79 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй