Шууд Chart

Тавин мянга орчим цагаачийг ойрын хугацаанд Мексик рүү илгээнэ

2019-06-13 10:00:46

АНУ-д орогнохоор ирсэн 50 мянга орчим цагаачийг ойрын хэдэн сарын хугацаанд Мексик рүү илгээнэ. Энэ мэдээллийг Мексикийн Дотоод хэргийн сайдын цагаачлал, хүний эрхийг мөрдөх асуудал эрхэлсэн орлогч Алехандро Энсинас лхагва гарагт нийтэд танилцууллаа.

АНУ-ын засаг захиргаа өнгөрсөн долоо хоногт Мехико, Вашингтоны хийсэн хэлэлцээрийн дагуу цагаачлах хүсэлт гаргасан хүмүүсийн бичиг баримтыг шалгана. Энэ хугацаанд хүсэлт гаргасан иргэд Мексикт байрлана. “Ойрын хэдэн сарын хугацаанд бид 50 мянга орчим хүн хүлээн авна гэж бодож байна” гэж Алехандро Энсинас хэлсэн байна.

Түүнчлэн тэрбээр хэлэхдээ сүүлийн хэдэн долоо хоногийн хугацаанд Мексикт ч орогнол хүссэн иргэдийн тоо дээд түвшиндээ хүрсэн гэнэ. Вашингтонд энэ сарын 7-ны өдөр байгуулсан хэлэлцээрийн дагуу Мексик улс АНУ руу орж ирэх хууль бус цагаачлалыг бууруулахад тодорхой арга хэмжээ авахаар болсон юм. Энэ дагуу Мексикээс өмнөд хилдээ үндэсний армийн бие бүрэлдэхүүнээ байршуулж, хүн худалдаалдаг байгууллагуудтай тэмцэхээр болжээ. 

Мексикийн Гадаадын хэргийн сайд Марсело Эбрард ч АНУ руу чиглэх хууль бус цагаачлалын урсгалыг бууруулах 45 хоногийн хугацаа өгсөн тухай өмнө нь мэдээлсэн юм. 

Нийтэлсэн: Mонголын радио

Тавин мянга орчим цагаачийг ойрын хугацаанд Мексик рүү илгээнэ   
Үзсэн: 190 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй