Шууд Chart

Уран зургийн үзэсгэлэн Канберра хотод нээгдэв

2019-06-13 11:09:28

Мелбурн хотод амьдарч буй залуу зураач Г.Золбоогийн “Азийн зүрхэн дэх говь” уран зургийн үзэсгэлэн 2019 оны зургаадугаар сарын 7-нд Австралийн Үндэсний их сургуулийн үзэсгэлэнгийн танхимд нээлтээ хийв.

Уг үзэсгэлэнг Монгол Улсаас Австрали Улсад суугаа Элчин сайдын яам, Австралийн Үндэсний их сургуулийн Монголын хүрээлэн хамтран зохион байгуулж буй бөгөөд сарын хугацаанд үргэлжилнэ.

Үзэсгэлэнгийн нээлтэд Монгол Улсаас Австрали Улсад суугаа Элчин сайд Б.Чулуунхүү, Австралийн Үндэсний их сургуулийн Монголын хүрээлэнгийн захирал Л.Нарангоа нар үг хэлж, тус их сургуулийн багш, оюутнууд, Канберрад суугаа Дипломат төлөөлөгчийн газрууд болон Канберра, Сидней, Мелбурн хот дахь монголчуудын төлөөлөл оролцов.


Уран зургийн үзэсгэлэн Канберра хотод нээгдэв   
Үзсэн: 237 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй