Шууд Chart

Цахим сургалт зохион байгууллаа

2019-06-13 15:15:39

ОБЕГ-ын Гамшиг судлалын хүрээлэнгээс төв, орон нутгийн Онцгой байдлын байгууллагын алба хаагчдад “Инноваци, оюуны өмчийн тухай, Онцгой байдлын байгууллагын инновацийн үйл ажиллагаа” сэдэвт цахим сургалтыг Гамшгийн шуурхай удирдлага, зарлан мэдээллийн төвд зохион байгууллаа.

Сургалтаар алба хаагчдад инноваци, оюуны өмчийн талаарх ойлголт, Онцгой байдлын байгууллагын оюуны өмчийн бодлого, инновацийн дунд хугацааны стратеги төлөвлөгөө зэрэг баримт бичгийн хэрэгжилтийг сайжруулах талаар танилцуулга мэдээлэл хийсэн юм.

Мөн төв, орон нутгийн Онцгой байдлын байгууллагын санаачлан хэрэгжүүлж байгаа шинэ, шинэлэг санаа, бүтээгдэхүүн, үйлчилгээг баталгаажуулах, хэрэглээнд нэвтрүүлэх боломжийг танилцуулж, цаашид гамшгийн төрөл онцлогт тохирсон шинэ шийдлийг эрэлхийлж, хамтарсан бүтээл гаргах чиглэлээр харилцан туршлага, мэдээлэл солилцлоо гэж Онцгой байдлын ерөнхий газраас мэдээллээ.

 


Цахим сургалт зохион байгууллаа  
Үзсэн: 198 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй