Шууд Chart

Энэ жилийн улсын баяр наадамд 540 харваач өрсөлдөнө

2019-06-17 14:22:03

Тулгар төрийн 2228, Их Монгол Улсын 813, Ардын хувьсгалын 98 жилийн ой, Үндэсний их баяр наадамд нийт 540 харваач цэц мэргэнээ сорин өрсөлдөнө.

Уг шийдвэрийг энэ сарын 14-ний хурлаар баталжээ.

Дээрх 540 (эрэгтэй 360, эмэгтэй 180) харваачийг энэ сарын 22-24-нд болох насанд хүрэгчдийн УАШТ-ээс аль өндөр оноо авснаар нь эрэмбэлэн шигшиж оролцуулах юм байна.

Харин залуучуудын УАШТ энэ сарын 20-21-нд болох бөгөөд тэднийг эрэмблэхгүйгээр нээлттэй оролцуулах аж. Мөн өсвөрийн харваачид балчир буюу найм хүртэлх, 9-11, 12-14, 15-17 гэсэн насны ангилалаар өрсөлдөнө.  

Насанд хүрэгчдийн тоог ийнхүү хязгаарлах болсны учир нь улсын баяр наадам зохион байгуулагдах үндсэн гурван өдөр 540-өөс илүү тооны харваач өрсөлдвөл тухайн өдөртөө багтаж дуусдаггүй байх талтай гэнэ.

Жишээ нь өнгөрсөн жил 580 харваач өрсөлдөхөд баяр наадмын сүүлчийн өдөр буюу шагнал гардуулах ёслолын цаг тулсан байхад ч дуусахгүй байсан хэмээн Монголын үндэсний сурын харвааны тэргүүлэгч гишүүн Б.Нямбаяр хэлэв.

 



Нийтэлсэн: У.Баярсайхан

Энэ жилийн улсын баяр наадамд 540 харваач өрсөлдөнө   
Үзсэн: 205 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй