Шууд Chart

БНСУ тэнгисийн хилийн хяналтаа нэмэгдүүлнэ

2019-06-17 15:10:01

БНСУ-ын Тэнгисийн цэргийн хүчин Умард Солонгосын загасчдын хөлөг онгоц усан хилээр нь орж ирсэн хэргээс болж тэнгисийн хилийн хяналтаа нэмэгдүүлэхээр боллоо. Энэ талаар Штабын дарга нарын хорооны төлөөлөгч, хурандаа Ким Юн Нак даваа гарагт болсон хэвлэлийн хурлаар мэдэгдлээ.

Энэ сарын 15-нд Япон тэнгист хоёр Солонгосын хилээс 130 километрийн зайд Умард Солонгосын загасчдын далбаат онгоц олдсон юм. Онгоцонд нийт дөрвөн хүн байжээ. Загасчдын хөлөг онгоцны хөдөлгүүр нь эвдэрснээс болж тэнгисийн урсгалаар Өмнөд Солонгосын усан хилд орж ирсэн нь тогтоогдсон байна.

Энэ сарын 11-нд ч мөн ийм явдал тохиолдсон юм. Үүнтэй холбогдуулан Өмнөд Солонгосын иргэд газар нутгийнхаа усан хилийн хамгаалалтын асуудлыг сүүлийн үед ихээр шүүмжлэх болжээ.

Ким Юн Нак Өмнөд Солонгосын хилийн хамгаалалтын ажиллагаа хэвийн ч радио локацийн системээ сайжруулах шаардлагатай болсныг энэ үеэр тэмдэглэсэн байна.

Нийтэлсэн: Mонголын радио

БНСУ тэнгисийн хилийн хяналтаа нэмэгдүүлнэ   
Үзсэн: 129 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй