Шууд Chart

Сүхбаатар аймгийн хэмжээнд 300 гаруй сурагч ЭЕШ өгч байна

2019-06-17 17:12:57

Элсэлтийн ерөнхий шалгалт өнөөдөр улс орон даяар эхэлсэн. Тус аймгийн хэмжээнд энэ жил 300 гаруй хүүхэд ЭЕШ-д орохоор бүртгүүлжээ. Сурагчид хувийн бэлтгэлээ сайн хангасан, одоогоор ямар нэг зөрчил гараагүй байна гэж аймгийн Боловсрол, соёл урлагийн газрын дарга Л.Байгалмаа хэллээ.

Мөн тэрээр хэлэхдээ, аймгийн хэмжээнд ЭЕШ-д орох хүүхдүүдийн тоо хоёр дахин буурсан. Энэ жилийн шалгалтын гол онцлог нь сурагчдын шалгалтын анхны оноо шууд газар дээрээ гарч байгаа явдал юм. Анхны оноо гэдэг нь тухайн хүүхэд хэдэн онооны ажлаас хэдийг нь амжилттай хийсэн бэ гэдгээ мэдэх боломжтой гэсэн үг. Үүн дээр 24 цагийн дараа хэмжээст оноо нэмэгдээд, эцсийн байдлаар оноо үнэлгээний сайтад тавигдана. Ер нь манай салбарт хийж буй технологи мэдээллийн шинэчлэл олон талаар ач холбогдлоо өгч байна. Багш нарын ачаалал ч эрс багассан. Шалгуулагчдын хувьд дөрвөн төрлийн бичиг баримтаас өөр зүйл авч ирэх ёсгүй. Зориулалтын балын харандаа, баллуурыг цаанаасаа олгож байгаа. Шалгалтын мэдээллийг сурагчдад сайн өгсөн учир хүүхдүүд хувийн бэлтгэлээ маш сайн хангасан байна. Одоогоор ямар нэг зөрчил гараагүй, хэвийн үргэлжилж байна гэлээ.

ЭЕШ дөрөв хоног үргэлжлэх бөгөөд энэ сарын 24-нд сурагчдад батламжийг гардуулж, 25-нд ур чадварыг шалгалт явуулна. Улмаар 26-наас их, дээд сургуулийн  хуваарь олголт эхлэх юм байна. 

Монголын мэдээ сувгийн Сүхбаатар аймаг дахь сурвалжлагч: Т.Одончимэг

Нийтэлсэн: Moнголын мэдээ

Сүхбаатар аймгийн хэмжээнд 300 гаруй сурагч ЭЕШ өгч байна  
Үзсэн: 115 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй