Шууд Chart

Малавид парламентын даргаар анх удаа эмэгтэй хүн ажиллана

2019-06-20 10:23:08

Малавийн Үндэсний хурал буюу парламентын даргаар анх удаа эмэгтэй хүн ажиллах гэж байна. Энэ улсын парламентын даргаар сөрөг хүчний гол нэгдэл болох Конгрессийн намын тэргүүнүүдийн нэг Кэтрин Готани-Хари сонгогдсон тухай “Синьхуа” агентлаг мэдээлжээ.

Тэрбээр эрх баригч Ардчилсан хөгжлийн намаас нэр дэвшсэн Эстер Чиленжтэй өрсөлдсөний эцэст парламентын 97 гишүүнийг саналыг авч, ялалт байгуулсан байна. Харин гол өрсөлдөгчид нь 93 гишүүн саналаа өгчээ.

Малави улсад парламентын даргыг сонгохын өмнө Үндэсний хурлын шинэ тэргүүлэгч нь эмэгтэй гишүүн байх ёстой гэдэгт санал нэгдсэн юм. Малавидаа нэр хүндтэй улстөрч Кэтрин Готани-Хара нь 2009-2014 онд парламентын гишүүн байсан. Мөн Тээвэр, олон нийтийн ажиллагааны дэд сайд, Эрүүл мэнд, хүрээлэн буй орчны сайдаар ажиллаж байсан нэгэн юм байна.

Нийтэлсэн: Mонголын радио

Малавид парламентын даргаар анх удаа эмэгтэй хүн ажиллана   
Үзсэн: 240 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй