Шууд Chart

“Дайчин бэйсийн хурд”, Дундговь аймгийн бүсийн их насны уралдаан боллоо

2019-06-24 12:26:11

Монгол Улсын хамгийн анхны шилдэг салбар холбоогоор шалгарч байсан Дундговь аймгийн Луус сумын “Дайчин бэйсийн хурд” МСУХ-ны 15 жилийн ой, аймгийн бүсийн их насны уралдаан саяхан боллоо.

Үүнд 40 гаруй алтан туурайт тоосоо өргөснөөс дараах хүлгүүд айргийн тавд хурдалсан юм.

  1. Өмнөговь аймгийн Цогтцэций сумын харьяат, аймгийн алдарт уяач Хүүгийн Түмэнбаярын буурал. Тус хүлгийг Хулд сумын харьяат, аймгийн алдарт уяач Жаргалсайханы Эрдэнэтөгс уясан. Улс, бүсийн баяр наадамд тус бүр нэг айрагдсан довтой адуу.
  2. Дэрэн сумын харьяат, Монгол Улсын алдарт уяач Лувсандагвын Эрдэнэбаатарын хээр. Даага, шүдлэндээ аймгийнхаа баяр наадамд айрагдаж, хязааландаа улсын наадамд түрүүлсэн.
  3. Эрдэнэдалай сумын харьяат, аймгийн алдарт уяач Оюундарийн Ундрахбаярын ногоон. Хязааландаа аймгийнхаа баяр наадамд түрүүлж байлаа. Угшил нь Хэнтий аймгийн Баянхутаг сумын харьяат Мөнхдагвын унаган адуу.
  4. Өлзийт сумын харьяат, аймгийн алдарт уяач Эрдэнэчулууны Нямхүүгийн хонгор. Улс, бүсийн наадамд хоёр айрагдаж, Дундговь, Өмнөговь аймгийн наадамд айрагдаж байв. Гарал угсаа нь Сүхбаатар аймгийн Уулбаян сумын харьяат Д.Дорждэрэмийн унаган адуу.
  5. Өмнөговь аймгийн Цогтцэций сумын харьяат аймгийн алдарт уяач Хүүгийн Түмэнбаярын зээр. Хулд сумын харьяат, аймгийн алдарт уяач Жаргалсайханы Эрдэнэтөгс уясан. Аймагтаа болон аймгийнхаа шигшмэл хурд, Дундговийн баруун бүс гээд олон наадамд айрагдаж түрүүлсэн морь юм.
Нийтэлсэн: У.Баярсайхан

“Дайчин бэйсийн хурд”, Дундговь аймгийн бүсийн их насны уралдаан боллоо  
Үзсэн: 215 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй