Шууд Chart

Монгол Улсын хөдөлмөрийн баатар Д.Дагвадорж О.Дөлгөөний эмчилгээнд 10 сая төгрөг хандивлажээ

2019-06-25 10:25:22

Монгол улсын сагсан бөмбөгийн шигшээ багийн холбон тоглогч, 2019 оны оюутны лигийн аварга /Шилдэг тоглогч/, Өсвөрийн улсын аварга шалгаруулах тэмцээний таван удаагийн аварга /хоёр удаагийн шилдэг тоглогч/ О.Дөлгөөн элэгний дутагдал гэсэн оноштойгоор АНУ-д эмчлүүлж байгаа билээ. Сайхан сэтгэлт Монголчууд дэлхийн өнцөг булан бүрээс түүний амь насыг аврахын тулд хандив илгээсээр байна.

Тэдний нэг нь Монгол Улсын хөдөлмөрийн баатар, гавьяат тамирчин, мэргэжлийн сүмо бөхийн 68 дахь их аварга Асашёорюү Д.Дагвадорж 10 сая төгрөг хандивлаж байгаагаа мэдэгджээ.

Тэрбээр цахим хуудаснаа "Сайхан сэтгэлт Монголчууд маань үнэхээр сэтгэл нэгдэж чадаж байна. Хэлж ирдэггүй зовлонг туулаад гарна шүү. Босоод ирээрэй, ахын дүү. 10 сая төгрөг зардалд нэмэр болж байна. Сайн хүний үр, сүүт гүүний унага минь" гэсэн байна.

Нийтэлсэн: У.Баярсайхан

Монгол Улсын хөдөлмөрийн баатар Д.Дагвадорж О.Дөлгөөний эмчилгээнд 10 сая төгрөг хандивлажээ   
Үзсэн: 327 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2019-06-25 21:30
Арга гүй л японы аврага шүү

Бидэнтэй нэгдээрэй