Шууд Chart

Өвөрхангай аймагт элсэлтийн ерөнхий шалгалт ур чадварын шалгалтаар үргэлжилж байна

2019-06-25 12:06:21

Энэ жил Өвөрхангай аймгийн хэмжээнд 872 сурагч Элсэлтийн Ерөнхий шалгалтад хамрагдлаа. Үүнээс 2019 онд Ерөнхий боловсролын сургууль төгссөн хүүхдүүд 10 хичээлээр давхардсан тоогоор 2006 шалгалт өгсөн байна. Энэ онд шууд засалтын технологи нэвтэрснээр эцэг, эхчүүд, сурагчдад хүндрэл учруулахгүй хялбар байсан гэдгийг холбогдох албаны хүмүүс онцолж байлаа.

ЭЕШ-д Хужирт сумын ЕБ-ын сургуулийн сурагч Т.Болормаа, Т.Цэцэгмаа нар Монгол хэлний хичээлээр 800 оноо авсан бол Хархорин сумын ЕБ-ын Гүнзгий сургуулийн сурагч О.Жадамба математикийн хичээлээр 800 оноо авсан. Мөн нийгмийн тухай мэдлэг хичээлээр Лабаоратори Мэргэд сургуулийн сурагч Т.Гийхнаран, Ш.Ичинхорлоо, Б.Нандин-Эрдэнэ нар тус тус 800 оноо авсан амжилтийг үзүүлжээ. Эдгээр сурагчдыг аймгийн Засаг даргын захирамжаар урамшуулна.

Өнөөдөр ЭЕШ ур чадварын шалгалтаар үргэлжилж тус шалгалтанд 70 гаруй сурагч оролцож байна. Хяналтын тоо аймгуудаар жагсаасан нэгдсэн дүн өнөөдөр орой эцэслэж гарна гэдгийг албаны хүмүүс хэлж байна.

Эх сурвалж: Монголын мэдээ сувгийн Өвөрхангай аймаг дахь сурвалжлагч: О.Отгонцэцэг

Нийтэлсэн: Moнголын мэдээ

Өвөрхангай аймагт элсэлтийн ерөнхий шалгалт ур чадварын шалгалтаар үргэлжилж байна   
Үзсэн: 134 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй