Шууд Chart

“Говийн чоно-2019” олон улсын сургалт, дадлагын бэлтгэл ажилтай танилцлаа

2019-06-26 09:38:13

Онцгой байдлын ерөнхий газраас АНУ-аас Монгол Улсад суугаа Элчин сайдын яам, Энэтхэг, Номхон далайн цэргийн командлалтай хамтран “Говийн чоно-2019” гамшгийн хор уршгийг арилгах олон улсын сургалт, дадлага сургуулийг ирэх 09 дүгээр сарын 09-23-ны өдрүүдэд Дорноговь аймагт зохион байгуулахаар бэлтгэлийг ханган ажиллаж байна.

“Бүсийн удирдлага зохион байгуулалт, харилцан ажиллагаа“ сэдвээр зохион байгуулагдах тус сургуулийн бэлтгэл ажлын явцтай ОБЕГ, АНУ-ын Цэргийн атташе болон холбогдох албаны төлөөллүүд танилцлаа.

Энэ жил “Говийн чоно” олон улсын сургалт, дадлагыг Өмнөд бүсийн Онцгой байдлын газруудыг хамруулан танхимын сургалт болон болзошгүй гамшгийн хор уршгийг арилгах чиглэлээр бодит нөхцөл байдлыг дууриалган үзүүлэх дадлага сургууль гэсэн хоёр үе шаттайгаар зохион байгуулах юм гэж Онцгой байдлын ерөнхий газраас мэдээллээ.

 


“Говийн чоно-2019” олон улсын сургалт, дадлагын бэлтгэл ажилтай танилцлаа  
Үзсэн: 125 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй