Шууд Chart

Монгол Улсын начин Ч.Хөхчирэнгэрт “Өсөх идэр” чимэг нөхөн олгов

2019-07-02 09:21:29

Баяр наадмын Үндэсний бөхийн салбар хорооноос Тулгар төрийн 2227, Их Монгол Улсын 812, Ардын хувьсгалын 97 жилийн ой, Үндэсний их баяр наадмын хүчит бөхийн барилдаанд учраа бөх нь сэргээшийн төрлийн бодис хэрэглэсэн нь тогтоогдож, давааг хүчингүй болгосон тул аймгийн арслан Б.Эрдэнэхүүд улсын начин цол олгуулах саналыг Монгол Улсын Ерөнхийлөгчид уламжлахаар тогтсон. Мөн Улсын начин Ч.Хөхчирэнгэрт “Өсөх идэр” чимэг олгохоор зургадугаар сарын 19-ний өдрийн хурлаар шийдвэрлээд байсан билээ. Тэгвэл энэхүү шийдвэрийн дагуу шинэ цолтнууд наадмын өмнө нэмэгдэж, “Хөвсгөлийн хүчтэн” дэвжээний бөх Ч.Хөхчирэнгэрт Монгол Улсын Шадар сайд, УИХ-ын гишүүн Ө.Энхтүвшин нар баяр хүргэж, чимгийг нь гардуулсан байна.

Харин өнгөрсөн жилийн улсын баяр наадмын хүчит бөхийн тавын даваанд улсын гарьд Н.Ганбаатарт унасан аймгийн арслан Б.Эрдэнэхүүгийн улсын начин цол олгохыг Монгол Улсын Ерөнхийлөгчид уламжлаад байгаа ч одоогоор ямар нэгэн шийдвэргүй байна.

Нийтэлсэн: У.Баярсайхан

Монгол Улсын начин Ч.Хөхчирэнгэрт “Өсөх идэр” чимэг нөхөн олгов  
Үзсэн: 118 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй