Шууд Chart

Хөвсгөл аймгийн Мөрөн сумын уяач Д.Даяндэмидийн хонгор үрээ түрүүллээ

2019-07-10 11:27:27

Тулгар төрийн 2228, Их Монгол Улсын 813, Ардын хувьсгалын 98, Ардчилсан хувьсгалын 29 жилийн ой Үндэсний их баяр наадмын хязаалан насны морьд барианд орж, Хөвсгөл аймгийн Мөрөн сумын уяач Д.Даяндэмидийн хонгор үрээ түрүүллээ.

Уг үрээ нь Монгол Улсын хөдөлмөрийн баатар, гавьяат малчин, тод манлай уяач Д.Даваахүүгийн хүү Баянбатын алдарт Наран хонгор азарганы төл юм.

Хязаалан насанд 297 үрээ бүртгүүлснээс 182 нь хөх тэнгэртээ халтар тоосоо 17 км уралдаж, өргөлөө.

Аман хүзүүнд Өвөрхангай аймгийн Баян-Өндөр сумын уугуул Д.Мөнбатын зээрд, айргийн гуравт Баянхонгор аймгийн Бууцагаан сумын уугуул Н.Баттөмөрийн хүрэн, айргийн дөрөвт Улаанбаатар хотын Чингэлтэй дүүргийн уяач Т.Цогбадрахын цавьдар,  айргийн тавт Төв аймгийн Баян сумын уугуул Х.Нямжавын хээр  тус тус хурдаллаа. 

Нийтэлсэн: У.Баярсайхан

Хөвсгөл аймгийн Мөрөн сумын уяач Д.Даяндэмидийн хонгор үрээ түрүүллээ  
Үзсэн: 1385 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй