Шууд Chart

Монголд суудлын автомашин угсрах үйлдвэр байгуулахаар боллоо

2019-07-11 10:48:13

2018 оны сүүлээр Монгол Улс нийтдээ 64000 гаруй автомашин импортолсон байна. Энэ нь 2014 оноос хойш 50 хувиар өссөн үзүүлэлт юм.

Автомашин худалдаж авахын тулд 400 гаруй сая ам.долларыг манай улс гадагшаа гаргадаг бөгөөд энэ нь гадаад худалдааны алдагдалд томоохон байр эзэлдэг байна.

Нийт автомашины 92 гаран хувийг Япон улсаас импортолдог боловч дийлэнхи машинууд нь хуучин автомашин тул хүний амь нас, эрүүл мэнд, хүрээлэн буй орчин, хөрсний бохирдол болон асар их дуу чимээний бохирдлыг Улаанбаатар хот болон бусад төв, суурин газруудад бий болгож, Монгол хүний амьдралын чанарыг жилээс жилд унагасаар байна.

Нийтийн тээврийн хүртээмж, чанар, нэгдсэн зохицуулалт болон иргэдийн худалдан авах чадвараас шалтгаалж бид өнөөдрийг хүртэл хуучин автомашин авахаас өөр аргагүй байдалд оржээ.

Шинэ нисэх буудлыг түшиглэсэн хот барих төслийг сүүлийн 4 жил хөөцөлдөж буй олон улсын төслийн баг эхний ээлжинд Монголд суудлын автомашин угсрах үйлдвэр байгуулах төслийг эхлүүлэхээр шийдэж 2019 оны 7 сарын 8-ны өдөр “Нэг бүс, нэг зам” төслийн эхлэл хотын нэг болох Ханжоу хотод санамж бичиг байгууллаа.

Энэхүү төслийн хүрээнд тодорхой хөрөнгө оруулалтыг хийж, “АГТ Ауто” ХХК-ыг байгуулан суудлын автомашин үйлдвэрлэлийн салбарт олон жилийн туршлагатай Япон, Тайванийн хөрөнгө оруулалттай Юлон групп болон БНХАУ-ын төрийн өмчит Донгфень компаниудтай хамтран жилд 1000 гаруй автомашин угсрах хүчин чадалтай дунд гарын жип машин угсрах эхний үйлдвэрийг 2019 онд багтаан ашиглалтанд оруулж, 2020 оны 4 сард эхний 100 машиныг үйлдвэрээс гаргах зорилт тавин ажиллах юм байна.

Юлон групп нь Хятад, Филиппин, Тайвань дахь угсрах үйлдвэрүүдээрээ дамжуулан Chrysler, Geely, General Motors, Mercedes Benz, Mitsubishi болон Nissan-ын машинуудыг үйлдвэрлэдэг бол Донгфень мотор корпораци нь БНХАУ-ын 2 дахь том автомашин үйлдвэрлэгчийн нэг бөгөөд ачааны автомашин, зорчигч тээврийн автобусаас гадна Kia, Honda, Peugeot-Citroen, Renault зэрэг компаниудын автомашиныг үйлдвэрлэж байна.

2020 онд Монгол улсад үйлдвэрлэх дунд гарын жип машин нь “Luxgen Legend” гэдэг хамтарсан брэнд нэртэй байх бөгөөд “Luxurious, Genius and Legendary” гэдэг үзэл санаагаар Монгол үндэстний сэргэн мандлыг бэлгэдсэн, аж үйлдвэрийн 4 дүгээр хувьсгалыг эх орондоо эхлүүлсэн хамгийн эхний төсөл байх бөгөөд хэрэглэгчдэд тансаг, ухаалаг хүлгийг өөрийн үндэстний ДНК шингээсэн интерьер шийдлээр боломжийн үнээр хүргэх төлөвлөгөөтэй ажиллах ажээ.

2020 оны 5 дугаар сараас эхлэн шинэ нисэх буудлын хурдны замаар Монголд угсарсан суудлын автомашин давхихаар болж байгаа баярт мэдээг Монголд түмэндээ хүргэж байна.


Монголд суудлын автомашин угсрах үйлдвэр байгуулахаар боллоо  
Үзсэн: 1752 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2019-07-13 09:25
Тансаг юм ч хэрэггүй дэ.олон нийтэд хүртээлтэй чанартай хямдавтар байвал зүгээр санагдана
Ganzoo [127.0.0.xxx] 2019-07-12 19:26
Saixan medee amjilt xvsii
Монгол инженер [127.0.0.xxx] 2019-07-12 14:52
Хужаа пизда нартай хамтрах хэрэггүй ш дээ. Япон машин үйлдвэрлээчээ лаларуудаа
Kkk [127.0.0.xxx] 2019-07-12 11:54
Ene amjihgui tusul sanagdaj bhiin mongol shig iim huuli erh zuitei gazar hen hurungu oruulj mashinii uildver barih bileedee ene songuuliin umnuh pop medee bna.
Зураач London [127.0.0.xxx] 2019-07-11 23:11
Ойрд сонсоогүй сайхан мэдээ байна. Бас нэг нь элдэв юм яриад унагачих вий дээ. Гадаадад байгаа бид чинь автоматаар ингэж л боддог болчихлоо ш дээ. Уучлаарай. Одоо манай дотооддоо байгаа монголчууд маань эрх биш нэг юм ухаарах цаг ирж байгаа байлгүй дээ. Амжилт хүсье!
Зочин [127.0.0.xxx] 2019-07-11 20:03
Сэтгэл нь сайхан юмдаа
Zochin [127.0.0.xxx] 2019-07-11 13:17
Automashinaa zohih standartiin daguu l uildverleerei
zochin [127.0.0.xxx] 2019-07-11 12:24
gaixamshigtai ok

Бидэнтэй нэгдээрэй