Шууд Chart

Какүрюү М.Ананд тэргүүлж, Хакүхо М.Даваажаргал удаалж байна

2019-07-16 14:35:59

Японы мэргэжлийн сүмо бөхийн долоодугаар сарын тэмцээн буюу Нагоя башё талдаа орлоо. Өчигдрийн барилданд их аварга Какүрюү М.Ананд учраа бөхөө давж, ес дэх даваагаа авсан бол их аварга Хакүхо М.Даваажаргал Ичиножёо А.Ичинноровт унаснаар тэргүүлэгчийн хоёрдугаар эгнээнд шилжив.

Дээд зиндаанд озэки /арслан/ цолтнуудаас Такаясү үлдсэн бөгөөд долоон даваа, хоёр унаатай явна.

Нагоя хотод болж буй зуны тэмцээнийг их аварга Какүрюү М.Ананд есөн даваатай ганцаараа тэргүүлж эхэлсэн бол их аварга Хакүхо М.Даваажаргал найман даваа, нэг унаатай удаалж байна.

Озэки Таяасү нарын дөрвөн бөх долоон даваа, хоёр унаатай тэргүүлэгчдийн гуравдугаар эгнээнд бичигдэж байна.

Манай бөхчүүдээс сэкивакэ Тамаваши Б.Мөнх-Оргил нэг даваа, найман унаатай болж 50 хувийн амжилтаа үзүүлэх боломжгүй болсон бол Ичиножёо А.Ичинноров зургаан даваа, гурван унаатай башёг үргэлжүүлж байна.

Өнөөдөр 10 дахь өдрийн барилдаан явагдах агаад их аварга Какүрюү Ичиножёотой, их аварга Хакүхо Тамавашитай барилдахаар оноолт таарчээ.

Нийтэлсэн: У.Баярсайхан

Какүрюү М.Ананд тэргүүлж, Хакүхо М.Даваажаргал удаалж байна   
Үзсэн: 470 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй