Шууд Chart

Батлагдсан 13 маршрутаар жуулчдыг хүлээн авч байна

2019-07-16 17:29:03

“Зуунмод хотын аялал”-ыг  өнгөрсөн оноос шинээр эхлүүлж, нийт 3-н удаагийн аяллыг зохион байгуулж 74 хүн хамрагдсан байна. Музей – Манзушир – Солонго цогцолбор – Самданбаатарын хөшөө – Мөнх-Алдрын талбай – Төв аймагт үйлдвэрлэв нэрийн барааны дэлгүүр гэсэн маршрутаар аялал эхлээд байна.

Төв аймгийн аялал жуулчлалын батлагдсан 13 маршрут байдаг. Энэ маршрутаар Аялал жуулчлалын  ихэнх байгууллагууд аяллаа зохион байгуулж байна. Мөн  маршрутаа шинэчлэн Түүхийн, Агро буюу хөдөө аж ахуй , Байгалийн, Соёлын  гэсэн бүс нутаг болгон хуваан маршрутаа төлөвлөн ажиллаж байгаа юм.  Жуулчдын хамгийн ихээр зорин очдог бүс нутаг нь-  Аргалант сумын Хустай БЦГ, Эрдэнэ сумын Чингис хааны морьт хөшөө, Борнуур сумын Аглаг бүтээлийн хийд, Зуунмод хот  Манзуширын хийд  гэсэн чиглэлд дотоод, гадаадын  30 мянга гаруй аялагчид зочилж  байна.

Төв аймаг Зүүн хойд Азийн 13 улсын  гишүүн  аймаг жил бүр чуулга уулзалтад оролцож Монгол улсаа сурталчилсаар байгаа талаар албаныхан тодотголоо. Энэ жил САММИТ-ыг өөрийн аймагтаа энэ сарын 29,30-нд зохион байгуулахаар болжээ.Энэ аялал жуулчлалыг хөгжүүлэхэд томоохон түлхэц болно гэж албаныхан үзэж байна.

Мөн энэ онд Улсын чанартай авто зам дагуу Түр буудаллах цэг болон боловсон ариун цэврийн байгууламжтай болохоор төлөвлөн, Эрдэнэ, Баян, Сэргэлэн, Баянчандмань сумдад байгуулж эхлээд байна.

Сурвалжлагч: Т.Саранчимэг

 

Нийтэлсэн: Moнголын мэдээ

Батлагдсан 13 маршрутаар жуулчдыг хүлээн авч байна  
Үзсэн: 153 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй