Шууд Chart

Аргаль, янгирын тооллого хийлээ

2019-07-19 11:29:03

Дэлхийн байгаль хамгаалах сангийн Монгол дахь хөтөлбөрийн газрынхан Алтай Соёны эко бүс нутагт цоохор ирвэс хамгаалах төслийг 1997 оноос хойш хэрэгжүүлж буй. Үүний хүрээнд цоохор ирвэсийн идэш, тэжээл болох уулын туруутан амьтдын популяцыг (тоо толгой, тархсан нутаг тодорхойлох) тогтоох судалгаа хийжээ. Тодруулбал, дээрх газрын судлаач, нутгийн иргэд хамтран Жаргалант, Бумбат, Баатар хайрхан уулсад 2017 оны арваннэгдүгээр сарын 3-14-нд, Цагаан шувуут, Хархираа Түргэний болон Сайр уул, Хатуугийн, Дарвийн нуруу, Хасагт хайрханд өнгөрсөн дөрөвдүгээр сарын 6-наас тавдугаар сарын 18-н хүртэл янгир, аргалийн тооллого хийсэн байна. Ингэхдээ

Янгир жигд тархан нутагладаггүй. Хад асга ихтэй, нарийн ам бүхий ууланд сүргээр нутагладаг учир популяцын хэмжээ уул бүрт харилцан адилгүй буюу 69-1485-ын хооронд хэлбэлзсэн үзүүлэлттэй дүн гарсан хэмээн холбогдох албаныхан мэдээлэв. Алтайн уулсын салбар болох Дарвийн нуруу, Хасагт хайрханд янгирын популяцын хэмжээ харьцангуй бага байсан гэнэ.

Дашрамд дурдахад, хос ажиглагчийн арга нь туруутан амьтдын бодгалийг харах магадлалыг нарийвчлан тооцох боломж бүхий шинэ арга учраас өндөр уултай газрын онцлогт тохируулан цаашид байнга ашиглахаар болжээ.

Нийтэлсэн: Т.Болор-Эрдэнэ

Аргаль, янгирын тооллого хийлээ  
Үзсэн: 318 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй