Шууд Chart

Ажил хайгчдад зориулсан "Цахим бирж" төхөөрөмжтэй болжээ

2019-07-22 10:07:50

Дорнод аймгийн Орон нутгийн хөгжлийн сангийн хөрөнгөөр ажил хайгч иргэдэд зориулан ажлын байр зарласан бүртгэлтэй ажил олгогч байгууллагын мэдээллийг авах боломжтой “Цахим бирж” мэдээллийн зургаан ширхэг төхөөрөмжийг аймгийн Засаг даргын дэргэдэх Хөдөлмөр, халамжийн үйлчилгээний газарт хүлээлгэн өгсөн байна. 

Гурван төхөөрөмжийг хүн ам олноор суурьшсан Баян-Уул, Дашбалбар, Халхгол суманд байршуулахаар төлөвлөжээ. “Цахим бирж” нь Хөдөлмөр, халамж үйлчилгээний ерөнхий газрын www.lims.gov.mn, www.jobnet.mn систем буюу Хөдөлмөрийн зах зээлийн нэгдсэн санд холбогдсон бөгөөд ажил хайгч иргэд аж ахуйн нэгж, байгууллагад зарлагдсан ажлын байрны тухай мэдээллийг Хөдөлмөр, халамжийн үйлчилгээний газарт очих шаардлагагүйгээр цаг хугацаа хэмнэн цаасаар хэвлэн авах боломжтой. Уг төхөөрөмж нь монгол хэл дээр тул иргэд хэрэглэхэд хялбар юм байна. 


Ажил хайгчдад зориулсан "Цахим бирж" төхөөрөмжтэй болжээ   
Үзсэн: 304 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй