Шууд Chart

“Найрамдал”-д ирээд хар, бараан дурсамжаа санах сөхөөгүй хөгжилдөж байна

2019-07-22 11:18:09

ОХУ-ын Эрхүү мужид олон хоног дараалан орсон аадар борооны улмаас өнгөрсөн сарын 27-нд Тайшет, Нижнеудинск, Чуинск, Тулун, Зиминск район үерт автаж, иргэд нь ихээхэн хохирол амссан. Монгол Улсын Ерөнхийлөгч үерийн гамшигт нэрвэгдсэн Эрхүү мужийн иргэдэд хүмүүнлэгийн тусламж үзүүлэх уриалга гаргасны дагуу Нижнеудинск болон Тулун районы 42 хүүхэд, багш нарын хамт олон улсын хүүхдийн “Найрамдал” цогцолборт амарч байна. Тэд  энэ сарын 16-нд ирсэн бөгөөд ирэх сарын 25-нд нутаг буцах аж.

Хойд хөршөөс ирсэн хүүхдүүд “Найрамдал” зуслангийн “Эрхэс” бүлэгт амарч байгаа. Тус бүлгийн ахлагч Элия “Би 15 настай. Олон улсын хүүхдийн “Найрамдал” цогцолборт ирээд маш сайхан байна. Үйл ажиллагааны хөтөлбөр зэрэг бүх зүйл хуваарийн дагуу явдгаас гадна маш сонирхолтой. Өглөө босоод цайгаа уучхаад, дасгал хийдэг. Энд амарч буй хүүхдүүд болон багш нар биднийг зочломтгой хүлээж авсан.

Миний амьдардаг Нижнеудинскт нөхцөл байдал маш хүнд байгаа. Онцгой байдал зарласан гэсэн. Олон хүн дүрвэж, өөр газар руу нүүсэн. “Найрамдал”-д ирээд хар, бараан дурсамжаа санах сөхөөгүй хөгжилдөж байна. Би гитар хөгжмийн хөтөлбөрт хамрагдсан. Монгол хүүхдүүдтэй ойлголцохгүй байх вий гэж эмээж байсан. Тэд орос хэлээр төвөггүй ярьдаг юм байна. Боломж гарвал дахиад заавал ирнэ” гэв.

Сонирхуулахад, .

Нийтэлсэн: Т.Болор-Эрдэнэ

“Найрамдал”-д ирээд хар, бараан дурсамжаа санах сөхөөгүй хөгжилдөж байна  
Үзсэн: 1570 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй