Шууд Chart

Үер, уснаас 17 хүүхдийн амийг аварчээ

2019-07-23 14:57:45

Архангай аймгийн Онцгой байдлын газраас авсан мэдээгээр долоодугаар сар гарсаар аянга буусан хоёр, үер буусан нэг, хүчтэй салхины улмаас гэр нурсан хоёр, усанд осолдсон нэг, автомашин голд суусан хоёр дуудлага иржээ. Эдгээр аюулт үзэгдэл, ослын улмаас нэг хүүхэд амь насаа алдаж, 738 мал хорогдож, дөрвөн айлын гэр үер, салхи шуурганд өртөж ашиглах боломжгүй болсон байна.

Энэ он гарсаар Аймгийн Онцгой байдлын газрын алба хаагчид үер, усны ослоос 11 автомашин, 20 иргэн, 17 хүүхдийн амь насыг аварчээ.

Гол, усны осол нь ихэвчлэн иргэдийн анхаарал болгоомжгүй байдал, бага насны хүүхдийг хараа хяналтгүй орхисноос, согтууруулах ундаа хэрэглэсэн үедээ усанд орох зэрэг шалтгаанаас үүдэж байна.

Архангай аймаг нартай, хуртай зусч байна. Байгалийн өнгийг засах бороо сайхан хэдий ч ихэнхдээ аадар, үер дагуулж байгаагаас гол үерлэж, зам даваа эвдэрсээр байгаа юм. Иймд аялагчид сэрэмжтэй байхыг аймгийн Онцгой байдлын газраас анхааруулж байна.

Б.Мандуул


Үер, уснаас 17 хүүхдийн амийг аварчээ   
Үзсэн: 401 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй