Шууд Chart

Хотон нуурын орчимд зэрлэг гахай нутаглажээ

2019-07-23 18:02:30

Баян-Өлгий аймгийн Цэнгэл сумын нутаг Бага түргэн, Шар булаг хэмээх газарт энэ зунаас зэрлэг гахай нутаглаж эхэлжээ.

Тус газар нь Цэнгэл сумын төвөөс 110 км, Ховд гол эх авдаг Хотон нуураас 20 орчим км зайтай. Энэ талаар сумын байгаль орчны хяналтын улсын байцаагч Д.Талгатбекээс тодруулахад, "2016 онд сумын төвөөс холгүй Цагаан голын аралд гурван зэрлэг гахай ирж суурьшсан. Дараа жил Арал толгой орчмоор нутаглаж, нэг жил Мухар хэмээх газарт өвөлжсөн.

Тусгай хамгаалалттай газар нутагт ан агнах хориотой тул манай байгаль хамгаалагчид хяналт тавьж ажиллаж байна" гэв.

Түүний тайлбарласнаар зэрлэг гахай нь хүн, малд ямар нэгэн аюул учруулдаггүй. Эсрэгээрээ ургамлын олон янз байдалд нөлөөлж, ургамлын үндсийг идэхдээ хөрсийг сэндийлгэдэг тул хөрсний дээд давхарга дахь тэжээллэгийн эргэлт, ялзмагтах явцыг түргэсгэдэг, үр тараадаг зэрэг эко системд эерэг нөлөө үзүүлдэг ажээ.

Сурвалжлагч: Ө.Нурболат

Нийтэлсэн: Moнголын мэдээ

Хотон нуурын орчимд зэрлэг гахай нутаглажээ  
Үзсэн: 613 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2019-07-24 13:54
Toriin alband mongoloor sain yarij bichdeg xun ajilmaar bna

Бидэнтэй нэгдээрэй