Шууд Chart

ӨМӨЗО-оос манай улсын үндэсний бөхчүүдэд урилга иржээ

2019-07-24 09:44:44

БНХАУ-ын ӨМӨЗО-оос Монголын үндэсний бөхийн холбоонд хаягласан тусгай урилга иржээ.

Үүнийг тус холбооны гүйцэтгэх захирал Б.Сайнбаярт хаяглаж, “Шинэ дунд улс байгуулагдсан 70 жилийн ойг бэлэглэх, жич Хавт Хасарын овооны шаргачин гахай жилийн тахилга, шоо балгасын гуравдугаар удааны малжих наадамд хүрэлцэн ирнэ үү” гэжээ.

Одоогоор дээрх наадамд очих бөхчүүдийн тоо гараагүй байгаа ч холбооноос урилгыг бөхчүүддээ түгээгээд байгаа аж.

ӨМӨЗО-оос Монгол бөхийн холбоонд ирсэн урилгын бүрэн хөрвүүлгийг хүргэе.

“Монгол Улсын үндэсний бөхийн холбооны гүйцэтгэгч захирал Б.Сайнбаяр танаа: Хур ус тэнцэж, хүн байгаль өнгөтэй өөдтэй зусаж байгаа энэ зуны сайхан эринд "Шинэ дунд улс байгуулагдсан 70 жилийн ойг бэлэглэх, жич Хавт Хасарын овооны шаргачин гахай жилийн тахилга, шоо балгасын гуравдугаар удааны малжих наадам" эрхлэх болсон тул Монгол Улсын шилдэг бөхчүүдийг найрт гэрэлтүүлэн саатахыг хүндэтгэн урьж байна.

Бөхийн тэргүүн шан 50000.00 төгрөг. Найр эрхлэх талаас Монгол Улсын бөхчүүдийг Эрээний хотоос тосч хүргэх, хоног, хоолны зардлыг бүхнийг хариуцна.

Найр эхлэх цаг: 2019 оны 7 дугаар сарын 28-ны өдөр (Билгийн улирлын 6 сарын 26-ны өдөр)
Найрын талбай: Шоо балгасын ардын засгийн ордны суугаа газар.

Нийтэлсэн: У.Баярсайхан

ӨМӨЗО-оос манай улсын үндэсний бөхчүүдэд урилга иржээ   
Үзсэн: 170 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй