Шууд Chart

АНУ-ын цэргийн хөлөг онгоцуудыг Хонгконгийн боомтод орохыг зөвшөөрсөнгүй

2019-08-14 17:06:39

АНУ-ын цэргийн хоёр хөлөг онгоц Хонгконгийн боомтоор дайрах зөвшөөрөл хүсэхэд Хятадын талаас татгалзсан хариу өгсөн тухай АНУ-ын Тэнгисийн цэргийн флотын Номхон далайн флотын албан ёсны төлөөлөгч Нейт Кристенсен мэдэгдлээ. Мөн Хятадын талаас яагаад татгалзсан шалтгааныг тодруулахыг хүсчээ.

Бээжингийн зүгээс АНУ-ыг Хонгконгтой холбоотой улс орны дотоод асуудалд нь оролцлоо гэж нэг бус удаа шүүмжилсэн юм. Энэ сарын эхээр Хонгконг дахь Америкийн дипломатчид эсэргүүцлийн арга хэмжээг зохион байгуулагчидтай уулзсан гэсэн мэдээлэл гарсны дараа Хятадын талаас хотын дотоод хэрэгт оролцохгүй байхыг шаардсан байна.

АНУ-ын Тэнгисийн цэргийн флотын “Ю-Эс-Эс Бэй” хөлөг онгоц ирэх бямба гарагт, “Ю-Эс-Эс Лэйк Эри” пуужингийн крейсер ирэх есдүгээр сард Хонгконгт орж ирэхээр төлөвлөж байсан юм. АНУ-ын Тэнгисийн цэргийн хүчний хөлөг онгоц хамгийн сүүлд дөрөвдүгээр сард Хонгконгийн боомтод орж иржээ.

Нийтэлсэн: Mонголын радио

АНУ-ын цэргийн хөлөг онгоцуудыг Хонгконгийн боомтод орохыг зөвшөөрсөнгүй  
Үзсэн: 673 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй