Шууд Chart

Мэдэгдэл

2019-08-15 17:35:54

"Нийслэлийн орон сууцны корпораци" 2019 оны 07 дугаар сарын 22-ны өдрөөс 08 дугаар сарын 05-ныг хүртэл Түрээсийн орон сууцанд хамрагдах иргэдийн ЦАХИМ БҮРТГЭЛ-ийг явуулсан.

Бүртгэлийн хугацаанд иргэд регистрийн дугаарын нэг орон зөрүүлж бичсэн, тэмдэгт оруулсан, хоосон зай авах гэх мэтээр хэд хэдэн удаа бүртгэл үүсгэсэн 24 тохиолдол бүртгэгдсэн.  Тухайн иргэдийн мэдээллийг бид цахим хуудсандаа ил тодоор мэдээлсэн. Тэдгээр иргэд нь мэдээллийн зөрүүтэй, алдаатай бүртгэл хийсэн учраас сонгон шалгаруулалтаас хасагдсан.

Тиймээс албаны эх сурвалжийн тодруулга авалгүйгээр иргэдийн дунд төөрөгдөл үүсгэн сонгон шалгаруулалтад тэнцсэн мэтээр буруу ташаа мэдээлэл цацаж байгаа хэвлэл мэдээллийн байгууллагуудыг Зөрчлийн хуулийн дагуу хуулийн байгууллагад хандана гэдгийг мэдэгдэж байна.

Мөн “Нийслэлийн орон сууцны корпораци” Сонгон шалгаруулах ажлыг ил тод нээлттэй, шударгаар зохион байгуулж байгаа гэдгийг албан ёсоор хариуцлагатайгаар мэдэгдэж байна.


Мэдэгдэл  
Үзсэн: 1083 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй