Шууд Chart

 “Цахиур – 2019” уралдааны бүтээлийг ирэх сарын 13-н хүртэл хүлээн авна

2019-08-19 11:46:28

Тус уралдааны бүтээлийг ирэх есдүгээр сарын 13-н хүртэл хүлээн авна.

Эрхэм уншигч та бүхэнд “Цахиур – 2019” уралдааны удирдамжийг хүргэж байна.

Уралдаанд хэрхэн оролцох вэ:

Оролцохыг хүссэн хүмүүс дараах холбоосоор өргөдлийн маягт материалыг бүтээлийн хамт шалгаруулах комисст илгээнэ: http://bit.do/eWbU3

Мөн дараах материалыг бүрдүүлж илгээнэ:

- Оролцогчийн товч танилцуулга

- Хэвлэмэл бүтээлийн хувьд: нийтлэгдсэн бүтээлийн PDF файл (нэг файл байх)

- Радио, телевизийн бүтээл: Албан ёсоор цацагдсан бүтээлийн MP3 файл, зохиолын хамт. Видео бүтээлийг WeTransfer апп ашиглан pim@pressinst.org.mn хаягаар илгээх, эс бөгөөс YouTube, Video зэрэгт нийтэлж холбоосыг ирүүлнэ

- Онлайн бүтээл: Нийтлэгдсэн бүтээлийн холбоос болон PDF файл

- Тухайн бүтээлийг бэлтгэх, баримтжуулах, нягтлан шалгахын тулд өөрийн тань болон багийн гүйцэтгэсэн судалгааны ажлын тайлан: асуудлыг хэрхэн судалсан, ямар арга хэрэгсэл ашигласан , (б) эрэн сурвалжилхад учирсан саад бэрхшээл

- Жич: Уралдаанд ирүүлсэн бүтээлийн холбоосоор дор хаяж 2019 оны 9 дүгээр сарын 30 хүртэл нэвтрэх боломжтой байх ёстой

Уралдааны зорилго:

- Монголын эрэн сурвалжлах сэтгүүл зүйн хөгжилд хувь нэмэр оруулах, эрэн сурвалжлах сэтгүүлчдийг зоригжуулан урамшуулах

- Эрэн сурвалжлах сэтгүүл зүйн чанар, мэргэжлийн хэм хэмжээг дээшлүүлэх

- Олон нийтийн эрх ашгийг дээдлэх, хариуцлага хүлээх зарчмыг түгээн дэлгэрүүлэх, сэтгүүл зүйн үнэт зүйл, ёс зүйг дэмжин сурталчлах

- Сэтгүүлчдийн ур чадварыг хөгжүүлэх, шилдэг бүтээлийг түгээн дэлгэрүүлэх

Бүтээлд тавих шаардлага, шалгуур:

- Хөндсөн сэдэв, асуудал нь чухал бөгөөд шинэ /нийгэмд өөрчлөлт, эерэг үр нөлөө авчрахуйц сонирхолтой таамаглал дэвшүүлсэн/

- Асуудлыг цогц байдлаар судалсан /тодорхой түүх өгүүлсэн асуудал, үүний зөрчил, шийдэл, гарцын хамаарал, зүй тогтлыг нээсэн/

- Бүтээлийн төрөл: Эрэн сурвалжилсан өгүүлэл ба эрэн сурвалжилсан дата сэтгүүл зүйн өгүүлэл

- Мэргэжлийн болон ёс зүйн хэм хэмжээг зөрчөөгүй, хуулийн хүрээнд ажилласан

- Хэл, найруулгын шаардлага хангасан

Уралдаанд оролцох болзол, шалгуур:

- Монголд албан ёсоор бүртгэгдсэн буюу тогтмол үйл ажиллагаа явуулж буй хэвлэл мэдээллийн байгууллагын сэтгүүлчид бие дааж болон баг, редакцийн бүрэлдэхүүнээр оролцох боломжтой

- Уралдаанд ирүүлэх бүтээлийг нэг жилийн хугацаанд буюу 2018 оны есдүгээр сарын 13-наас 2019 оны есдүгээр сарын 13 хүртэлх хугацаанд нийтэлж, нэвтрүүлсэн байна

- Тогтмол үйл ажиллагаа явуулж буй радио, телевиз, хэвлэмэл болон цахим хэрэгсэлд нийтлэгдсэн байх (хувийн блог болон нийгмийн мэдээллийн сүлжээнд нийтлэгдсэн бүтээлийг уралдаанд хамруулахгүй)

- Өөр хоорондоо уялдаа хамаарал бүхий цуврал бүтээл байж болно.

 

- Бүтээл хүлээн авах эцсийн хугацаа: 2019 оны есдүгээр сарын 13-ны баасан гараг, 23.59 цаг (Улаанбаатарын цагаар)

Шүүх үйл явц:

Сэтгүүлч, сэтгүүл зүйн багш , хэвлэл мэдээллийн 3-5 мэргэжилтнээс бүрдсэн шүүгчдийн баг дээр дурдсан шаардлага шалгууруудын дагуу бүтээлүүдийг шүүнэ.

Шилдэг бүтээлийн эздийг тодруулж шагнал гардуулах ёслолыг 2019 оны 9 дүгээр сарын 20-нд зохион байгуулна.

Тодруулга, лавлагаа авахыг хүсвэл pim@pressinst.org.mn хаягаар болон 70113476, 99082702, 97070709 зэрэг утсаар холбоо барина уу.



Нийтэлсэн: Т.Болор-Эрдэнэ

 “Цахиур – 2019” уралдааны бүтээлийг ирэх сарын 13-н хүртэл хүлээн авна  
Үзсэн: 154 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй