Шууд Chart

Монгол Улсын заан Д.Хишигдоржийн охин Даваацэцэгээс допинг илэрчээ

2019-08-21 11:17:15

Тулгар төрийн 2228, Их Монгол Улсын 813 жил, Ардын хувьсгалын 98 жилийн ой, Үндэсний их баяр наадмын үндэсний сурын харваанд өрсөлдсөн Х.Даваацэцэгийн шинжилгээнээс допингийн төрлийн бодис илэрчээ. Монголын үндэсний сурын холбооны удирдлагуудтай холбогдож, энэ тухай тодруулахад “Тухайн үед эмчийн заавраар даралтын эм авч уусан нь ийм байдалд хүргэжээ. Энэ бол санаатай үйлдэл биш. Харамсалтай нь тэр эм сэргээшийн төрлийнх байж таарсан байсан ” гэв.

Х.Даваацэцэг нь Монгол Улсын заан Д.Хишигдоржийн охин гэдгийг зарим эх сурвалж хэлж байна.

Улсын баяр наадмын үндэсний бөхийн шөвгийн 16-д шалгарсан бөхчүүдээс болон эхний таван байрыг эзэлсэн харваачдаас жил бүр допингийн шинжилгээ авдаг. Х.Даваацэцэг энэ жилийн баяр наадамд дөрөвдүгээр байр эзлээд байсан юм.

Иймд түүнийг үндэсний сурын холбооны ёс зүйн хороогоор авч хэлэлцэж, олгосон бай шагналыг нь хурааж, нэг жил харвах эрхийг нь хасах шийдвэр гаргасан байна.  

Нэмж хэлэхэд, түүний энэ болчимгүй үйлдэл үндэсний сурын харваачдаас гарч буй анхны тохиолдол аж.

Нийтэлсэн: У.Баярсайхан

Монгол Улсын заан Д.Хишигдоржийн охин Даваацэцэгээс допинг илэрчээ  
Үзсэн: 1276 Mongolian National Broadcaster  

Анхааруулга:

Та одоогоор сэтгэгдэл бичих боломжгүй байна!
MNB.mn сайтын редакц
Утас: 70127055

Бидэнтэй нэгдээрэй