Шууд Chart

Д.Батгэрэл UFC-д тулалдах гэрээ байгуулжээ

2019-08-22 13:31:35

"Team Tungaa", "One Team" клубын тулаанч, "MGL-1" холбооны аварга Д.Батгэрэл холимог тулааны дэлхийн шилдэг холбоо UFC-д тулалдах гэрээ байгуулжээ.

Кикбокс суурьтай, 30 настай Д.Батгэрэл 2010 оноос Монгол Улсын гавьяат тамирчин Ж.Нарантунгалагийн удирдлагад холимог тулаанаар хичээллэж эхэлсэн байна.

Түүний UFC-д хийх анхны тулаан наймдугаар сарын 31-нд БНХАУ-ын Шэнжэн хотод болох бөгөөд манай тамирчны өрсөлдөгч нь нутгийн тамирчин Хэйли Алантэн байх аж.

Одоогоор 12-7-1 амжилттай байгаа Алатэн манай тамирчнаас хоёр насаар дүү ч туршлага илүү.

Хятадын тамирчин 2014 онд АНУ-ын "RUFF" холбоонд манай тамирчин Б.Дамланпүрэвт хоёрдугаар үед хүнд цохилтоор ялагдаж байжээ.

Д.Батгэрэл холимог тулаанаар 6-1 гэсэн амжилттай бөгөөд хамгийн сүүлд өнгөрсөн зургадугаар сарын 22-нд Монгол бөхийн өргөөнд болсон "MFC2" тулааны 61 кг-ийн жинд Хятадын тамирчин Ти Хай Таог боолтоор ялсан билээ.

Нийтэлсэн: У.Баярсайхан

Д.Батгэрэл UFC-д тулалдах гэрээ байгуулжээ  
Үзсэн: 482 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй