Шууд Chart

Цахим ХАА-н стратегийн бичиг баримт боловсруулах зөвлөлдөх уулзалт болов

2019-08-22 14:58:49

Монгол Улсын Цахим хөдөө аж ахуйн стратегийн бичиг баримт боловсруулах талуудын зөвлөлдөх уулзалт өнөөдөр ХХААХҮЯ-ны хурлын танхимд болж байна.  Энэхүү уулзалтыг ХХААХҮ-ийн сайд Ч.Улаан,  НҮБ-ын ХААБ-ын Монгол Улс дахь суурин төлөөлөгч Винод Ахужа, Олон улсын харилцаа холбооны нэгдэл байгууллагын  Ази Номхон далайн бүсийн хөтөлбөрийн зохицуулагч Ашиш Нараяан нар нээж үг хэлэв.

 

Үндэсний Цахим ХАА-н стратеги нь Монгол Улсын засгийн газар ХАА-н салбарт тавьсан зорилтуудад хүрэх, авч хэрэгжүүлсэн арга хэмжээнээс гарах үр дүнг сайжруулахад шаардлагатай тэргүүлэх цахим шийдлүүдийг тодорхойлох, түүний дэд бутэц, бодлого журам зэрэг дэмжлэгт орчинг бэхжүүлэхэд тусалж, салбарын хэрэгцээ шаардлагаа тодорхойлох, мэдээлэл, харилцаа холбооны салбарын бэлэн байдлыг үнэлэхэд туслах юм.  

Энэ удаагийн талуудын зөвлөлдөх уулзалт Монгол Улсын Цахим хөдөө аж ахуйн стратегийн бичиг баримтын төслийг хэлэлцэх, хянах, эцэслэх, ХАА-н дэд салбар тус бүрээр талуудын саналыг авч стратегийн бичиг баримтад тусгах, стратегийн тэргүүлэх чиглэлүүдийг  хэрэгжүүлэх ажлын төлөвлөгөө боловсруулж талуудаас санал авах, ЦХАА-н шийдлүүдээс тэргүүлэх чиглэлүүдийг тодорхойлох зорилготой юм гэж ХХАХҮЯ-наас мэдээллээ.

  

Цахим ХАА-н стратегийн бичиг баримт боловсруулах зөвлөлдөх уулзалт болов  
Үзсэн: 124 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй