Шууд Chart

Нутгийн тэнгэр ивээж, Монголын баг ээлжит хожлоо авлаа

2019-08-25 16:29:35

“ABU Robocon–2019” олон улсын роботын тэмцээн “Буянт-Ухаа” спортын ордонд үргэлжилж байгаа бөгөөд шигшээ найман багийн тоглолт ид өрнөж байна.

Дөнгөж сая Монголын баг Японы багийг 210:130 харьцаагаар яллаа. Тэдний тоглолт тун өрсөлдөөнтэй, үзэгчдийн суудлаас нь өндөлзүүлж байв.

Аль алиных нь робот гацаж зогсохоос эхлээд олон саад тулгарсан ч нутгийн тэнгэр Монголын багийг ивээж, ээлжит ялалт авч ирэв.

Энэхүү тэмцээнийг МҮОНРТ, Ази, Номхон далайн бүсийн орнуудын өргөн нэвтрүүлгийн холбоо хамтран зохион байгуулж буй.

“ABU ROBOCON-2019” нэртэй тус тэмцээнд 16 орны 17 баг өрсөлдөж байгаа бөгөөд тун удахгүй шилдгүүд тодорно.  

Ивээн тэтгэгчээр Боловсрол, соёл, шинжлэх ухааны яам, Худалдаа хөгжлийн банк, “Оюу толгой” ХХК, “Эрдэнэт үйлдвэр” ТӨҮГ, “Эрдэнэс Таван толгой”, Монголын иргэний агаарын тээвэр (МИАТ)ХК ажиллаж байна.

Нийтэлсэн: ABU Robocon-2019 Mongolia

Нутгийн тэнгэр ивээж, Монголын баг ээлжит хожлоо авлаа   
Үзсэн: 230 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй