Шууд Chart

Даншиг наадамд зодоглох бөхчүүдийн бүртгэл өнөөдөр явагдана

2019-09-06 09:42:04

“Даншиг наадам-Хүрээ цам-2019” шашин соёлын наадам энэ сарын 8-нд болох бөгөөд үндэсний бөхийн барилдааны бүртгэл өнөөдөр явагдах аж. Бүртгэл Төв цэнгэлдэх хүрээнд болох бөгөөд бөхчүүдийг иргэний үнэмлэх, 3х4 хэмжээтэй цээж зурагтай ирэхийг сануулж байна.

Нийслэлийн Засаг даргын тамгын газар Монголын Бурхан Шашинтны Төв Гандантэгчэнлин хийдтэй хамтран тав дахь жилдээ зохион байгуулах гэж байна.  

Дашрамд дурдахад, Даншиг наадам нь анх 1639 онд Өндөр гэгээн Занабазарыг Монгол түмний шашны тэргүүн, анхдугаар Богд Жавзандамба хутагтын ширээнд өргөмжлөн залах үеэс эхлэлтэй баяр бөгөөд Монголын шашин соёлын томоохон арга хэмжээ билээ. 

Энэ үеэр лам нарын дунд ном хаялцах, мэтгэлцэх, балин тосон урлалын тэмцээн зохиогддог ба цам харайх, маань татах, Соёмбот туг залах, шашны сүлд дуулал эгшиглүүлэх зэрэг олон сонирхолтой үйл ажиллагаа болдог билээ.

Нийтэлсэн: У.Баярсайхан

Даншиг наадамд зодоглох бөхчүүдийн бүртгэл өнөөдөр явагдана  
Үзсэн: 609 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2019-09-06 12:37
2019 оны даншиг юмуу 2018 оны өнгөрсөн юм бичээд байгаа юм болов уу.Ойлгосонгүй. мэдэж байгаа хүн байна уу
3 [127.0.0.xxx] 2019-09-06 11:39
гадынхан хараад инээд хүрмээр Лам ч 22зуунд сэтгэмээр

Бидэнтэй нэгдээрэй