Шууд Chart

Монгол Улсын Ерөнхийлөгч Х.Баттулга шигшээ багийн дасгалжуулагчдыг ажлаа хүлээлгэн өгөхийг шаарджээ

2019-09-12 09:49:39

Жүдо бөхийн ДАШТ Японы Осака хотод наймдугаар сарын 25-аас есдүгээр сарын 01-ний хооронд болсон бөгөөд үүнд Монгол Улсын хөдөлмөрийн баатар, гавьяат тамирчин Н.Түвшинбаяр тэргүүтэй бөхчүүд оролцсон билээ.

Уг тэмцээнээс Монгол Улсын гавьяат тамирчин М.Уранцэцэг л хүрэл медаль хүртсэн тул Монгол Улсын Ерөнхийлөгч, Монголын жүдо бөхийн холбооны ерөнхийлөгч Х.Баттулга шигшээ багийн дасгалжуулагчдыг хариуцлага хүлээн, ажлаа хүлээлгэн өгөхийг шаарджээ.

Энэхүү албан тушаалд Монгол Улсын ардын багш, хөдөлмөрийн баатар О.Балжинням, туслах дасгалжуулагчаар ДАШТ-ий хүрэл медальт, гавьяат тамирчин Х.Эрдэнэт-Од, ДАШТ-ий хүрэл медальт, гавьяат тамирчин Д.Баттулга, гавьяат дасгалжуулагч Ш.Цэвэлмаа, ОУХМ Гантөмөрийн Дашдаваа, Япон дасгалжуулагч Торий Томоо нар ажилладаг билээ.

Гэхдээ тэдний хүчин чармайлтаар манай улсын жүдочид 2017 оны ДАШТ-ээс зургаан медаль хүртсэн дээд амжилт байлаа. Мөн сүүлийн зургаан ДАШТ-ээс дараалан медаль зүүж байв. түүнчлэн олимпийн хоёр наадамд үзүүлсэн амжилтыг нэгтгэвэл Монгол Улсын жүдочид найман жил дараалан 16 медаль хүртээд байгааг хэлэх нь зүйн хэрэг болов уу.

Нийтэлсэн: У.Баярсайхан

Монгол Улсын Ерөнхийлөгч Х.Баттулга шигшээ багийн дасгалжуулагчдыг ажлаа хүлээлгэн өгөхийг шаарджээ  
Үзсэн: 5921 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй