Шууд Chart

АНУ-ын сагсан бөмбөгийн шигшээ баг Францын багт ялагдав

2019-09-12 10:59:41

АНУ-ын сагсан бөмбөгийн шигшээ баг өчигдөр Францын шигшээ багт 79:89 харьцаатай хожигдсон нь сүүлийн 13 жилд том тэмцээнд тохиогоогүй үйл явдал болов.  

Тодруулбал Америкчууд хамгийн сүүлд 2006 оны ДАШТ-д Грекийн шигшээ багт 95:101 харьцаатай хожигдож байсан юм.

Хамгийн сүүлд дэлхийн аваргаас медальгүй хоцорч байсан нь 2002 он бөгөөд тэр үед мөн энэ шатанд Шинэ Зеландын шигшээ багт хожигдож байсан түүхтэй.

Австралийн шигшээ багийн хувьд түүхэндээ анх удаагаа дэлхийн аварга шалгаруулах тэмцээний хагас финалд шалгарч байгаа нь энэ юм.

Тэд Чехийн шигшээ багийг харьцангүй "зовлон" багатайгаар 82:70 харьцаатай хожлоо. Тэд хагас финалд Испанийн шигшээ багтай тоглох бөгөөд “Рио-2016” олимпийн наадмын хүрэл медалийн төлөө тоглолтонд ганцхан оноогоор хожигдож, хоосон хоцорч байсан гунигт түүхийнхээ "хариуг" барихад бэлэн гэдгээ илэрхийлж байна.

Нийтэлсэн: У.Баярсайхан

АНУ-ын сагсан бөмбөгийн шигшээ баг Францын багт ялагдав   
Үзсэн: 245 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй