Шууд Chart

Парист нийтийн тээврийн үйлчилгээ эрхлэгчид томоохон ажил хаялт зарлажээ

2019-09-15 10:27:11

Өнгөрсөн баасан гарагт Францын нийслэл хотод нийтийн тээврийн үйлчилгээ бараг бүрэн зогссон байна. Тус хотын метроны ихэнх шугамын хөдөлгөөн зогссон байсны дээр галт тэрэг, автобус, трамвайн зарим чиглэлийн хөдөлгөөн ч хаалттай байлаа. Энэ нь нийтийн тээврийн үйлчилгээний салбарт ажиллагсдын үйлдвэрчний эвлэлийнхэн сүүлийн 10 жилд хамгийн томд тооцогдох ажил хаялт зарласантай холбоотой байв.

Тэд метроны машинистууд төдийгүй нийтийн тээврийн салбарт ажиллагсдын ажиллах нөхцөл хүнд байгааг өөрчилж өгөхийг эрх баригчдаас шаардаж байгаагаа илэрхийлж байсан юм. Түүнчлэн тэтгэвэрт гарах онцгой нөхцөлийг нь өөрчлөхөөр төлөвлөж байгааг эсэргүүцэж байгаагаа мэдэгдэж байлаа. ажил хаялтаас болж Парисын Орли болон Руасси Шарль Де Голь нисэх буудлууд руу зорчих автобус галт тэрэгний тоо эрс цөөрснөөс болоод зорчигчдод багагүй хүндрэл учруулсан байна.

Ийнхүү нийтийн тээврийн үйлчилгээнд доголдол гарсантай холбоотойгоор иргэд хувийн автомашинаараа ажил албандаа явцгааснаас Парис хотод 200 км сунасан бөглөө хүртэл үүссэн байна. Үйлдвэрчний эвлэлийн удирдагчид хэрэв засгийн газар дуу хоолойг нь сонсч тодорхой арга хэмжээнүүд авахгүй бол дахин ажил хаялт зарлахаа мэдэгдсэн байна.

Нийтэлсэн: Moнголын мэдээ

Парист нийтийн тээврийн үйлчилгээ эрхлэгчид томоохон ажил хаялт зарлажээ  
Үзсэн: 139 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Erdenekhishig [127.0.0.xxx] 2019-09-16 10:18
Mash taatai bn
Erdenekhishig [127.0.0.xxx] 2019-09-16 10:18
Mash taatai bn

Бидэнтэй нэгдээрэй