Шууд Chart

Н.Анударь Таллиний дэвжээнд үзүүрлэв

2019-09-16 09:02:47

“Таллин-2019” чөлөөт бөхийн залуучуудын Дэлхийн аварга шалгаруулах тэмцээний тав дахь өдөр эмэгтэйчүүдийн 53 кг-ын жинд залуучуудын Азийн АШТ-ий мөнгө, хүрэл, өсвөр үеийн Азийн АШТ-ий мөнгө, хүрэл, “Монголиа Опен” болон “Байгаль Опен” ОУТ-ий мөнгөн медальт, "Хилчин" спорт хорооны тамирчин, спортын мастер Нандинцэцэгийн Анударь Монголын багийн цорын ганц мөнгөн медалийг эх орондоо авчирлаа.

Энэ нь Монголын чөлөөт бөхийн тамирчдын залуучуудын ДАШТ-ий 11 дэх мөнгөн медаль болж байна.

Залуучуудын ДАШТ-д хоёр дахь удаагаа зодоглосон тэрбээр өчигдөр эхний даваанд гоц мөргөж, 1/4 шигшээд Казахстаны Ассилзат Сагымбайг 10:0-ээр, хагас шигшээд БНХАУ-ын Мей Дулажиг 12:9-өөр тус тус ялсан. Тэгвэл өнөөдөр алтан медалийн төлөөх барилдаанд өнгөрсөн жилийн Будапештийн насанд хүрэгчдийн дэлхийн аварга Японы Харүна Окүнад 2:7-гоор ялагдлаа.

Сонирхуулахад, Н.Анударийн дотны найз, нэг багшийн шавь ОУХМ Б.Энхцэцэг өнгөрсөн жил Трнавагийн залуучуудын дэлхийн аваргад энэ жинд хүрэл медаль хүртэж байв.

Нийтэлсэн: У.Баярсайхан

Н.Анударь Таллиний дэвжээнд үзүүрлэв  
Үзсэн: 3504 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй