Шууд Chart

Гавьяат дасгалжуулагч Х.Болдбаатар Ардын багш О.Балжиннямын халааг авна

2019-09-16 14:05:28

Монголын жүдо бөхийн холбооны удирдлага болон Монголын жүдо бөхийн шигшээ багийн ерөнхий дасгалжуулагч, Монгол Улсын Хөдөлмөрийн баатар, ардын багш, гавьяат тамирчин О.Балжинням мөн шигшээ багийн нийт багш дасгалжуулагчид үүрэгт ажлаасаа огцрохоор болсноо өнгөрсөн мягмар гарагт мэдээллэсэн билээ.

Иймд түүний оронд Монгол Улсын гавьяат тамирчин, гавьяат дасгалжуулагч Халиуны Болдбаатарыг томилжээ. Тэрбээр өнөөдөр Монгол Улсын Хөдөлмөрийн баатар, ардын багш, гавьяат тамирчин О.Балжиннямаас ажлаа хүлээж авах аж. 

Х.Болдбаатар нь 1998 онд БНСУ-ыэ Пусан хотод болсон Азийн наадмын жүдогийн 71 кг-ын жинд алт, 1997 онд Бельград хотноо болсон жүдо бөхийн дэлхийн аварга шалгаруулах тэмцээний 73  кг-ын жинд хүрэл, 1996, 1997 оны самбо бөхийн дэлхийн аварга шалгаруулах тэмцээний алтан медаль хүртэж байв.

Тэгвэл түүний медаль авч чадаагүй тэмцээнүүдээс шавь нар нь энгэрээ гоёж байна. жишээ нь олимпийн анхны алтан медалийг эх орондоо авч ирсэн Монгол Улсын хөдөлмөрийн баатар Н.Түвшинбаяр юм.

Мөн Х.Болдбаатар нь Риогийн олимпийн циклд БНХАУ-ын жүдогийн бөхийн үндэсний шигшээ багийн дасгалжуулагчаар дөрвөн жил ажиллаж байсан туршлагатай. Тиймдээ ч ирэх оны Токиогийн олимпид шигшээ багаа өөрөө бүрдүүлэн оролцох юм байна.   

Нийтэлсэн: У.Баярсайхан

Гавьяат дасгалжуулагч Х.Болдбаатар Ардын багш О.Балжиннямын халааг авна  
Үзсэн: 1230 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй