Шууд Chart

“Ниссан Мотор” корпорацийн тэргүүн Хирото Саикава огцорлоо

2019-09-16 17:06:39

Автомашин үйлдвэрлэгч “Ниссан Мотор” корпорацийн тэргүүн Хирото Саикава суудлаа өгч байгааг Японы “Киодо” агентлаг дамжууллаа. Япондоо хоёрдугаарт бичигддэг автомашин үйлдвэрлэгч энэ корпорацийн тэргүүний үүргийг концерны удирдагч, “Ниссан”, “Рено”-гийн захирлуудын зөвлөлийн гишүүн, 63 настай Ясүхиро Ямаути түр гүйцэтгэх юм байна.

Харин Хирото Саикавагийн суудлыг залгамжлах хүн ирэх 10 дугаар сарын сүүлчээр томилогдоно. Хирото Саикава тэргүүний суудлаа өгснийг шинжээчид компанийн ашгийг нэмэгдүүлэх, Францын “Рено”-той түншлэлийн сайн харилцаагаа сэргээх гэсэн хүсэлтэй холбоотой гэж үзэж байна.

Хирото Саикава нь санхүүгийн луйвартай холбоотой дуулианаас болж огцрох шийдвэр гаргасан юм. Тэрбээр энэ суудалд байх хугацаандаа шагналт цалингаа нэмснээ хүлээн зөвшөөрч, хариуцлага үүрсэн нь энэ юм.

“Ниссан”-ы дотоод шалгалтаар Хирото Саикавад шагнал хэмээн үндэслэлгүйгээр 47 сая орчим иен буюу 434 мянган ам.доллар нэмж олгосон нь тогтоогдсон байна.

Нийтэлсэн: Mонголын радио

“Ниссан Мотор” корпорацийн тэргүүн Хирото Саикава огцорлоо  
Үзсэн: 139 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй