Шууд Chart

“Эмэгтэйчүүдийн манлайлал сургалт”-ыг зохион байгуулж байна

2019-09-16 17:18:45

Аливаа гамшигтай тэмцэх, гамшгийн эрсдэлийг бууруулах, гамшиг осол, аюулт үзэгдлийн үед эмэгтэйчүүдийн үүрэг оролцоог нэмэгдүүлэх, хамтын ажиллагааг өргөжүүлэх зорилгоор “Эмэгтэйчүүдийн манлайлал сургалт”-ыг “Говийн чоно-2019” олон улсын сургалт, дадлага сургуулийн хүрээнд зохион байгуулж байна.

Сургалтад Дорноговь аймгийн Үндэсний аюулгүй байдлыг хангах тусгайлсан чиг үүрэг бүхий байгууллага, төрийн захиргааны болон үйлчилгээний байгууллагаас гадна эмэгтэйчүүдийн төрийн бус байгууллагуудын төлөөлөлөөс 30 гаруй хүн оролцож байна.

Харин Онцгой байдлын байгууллагаас ОБЕГ-ын Гадаад хамтын ажиллагааны хэлтсийн дарга, хурандаа Ч.Ариунаа оролцож байгаа юм.

Энэ сарын 21-нийг хүртэл үргэлжлэх тус сургалтаар Монголын хууль, эрхзүйн орчны талаар болон хүмүүнлэгийн тусламж, гамшгийн хор уршгийг арилгах үеийн жендерийн асуудлын талаар хэлэлцэж, харилцан туршлага солилцоно гэж Онцгой байдлын ерөнхий газраас мэдээллээ.


“Эмэгтэйчүүдийн манлайлал сургалт”-ыг зохион байгуулж байна  
Үзсэн: 215 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй