Шууд Chart

Шатрын их мастерын болзлыг 19 настай Б.Номин-Эрдэнэ биелүүлжээ

2019-09-17 09:30:03

Монголын шатрын спортын түүхэнд дахин нэгэн түүхэн амжилт бичигдсэн нь 19 настай Б.Номин-Эрдэнэ боллоо.

Тэрбээр шатрын ертөнцийн хамгийн том цол их мастерын болзлыг биелүүлсэн Монголын анхны эмэгтэй шатарчин болжээ. Түүний хувьд энэ цолонд хүрсэн дэлхийн 35 дахь эмэгтэй шатарчин болж байна.

Д.Номин-Эрдэнэ таван настайдаа шатар тоглож сурсан бөгөөд зургаан настайгаасаа тэмцээнд оролцож эхэлжээ. 10 настайдаа өсвөрийн дэлхийн аварга болж, 14 насандаа Олон Улсын мастер, эмэгтэйчүүдийн их мастер цолонд хүрсэн байна.

Монголын эмэгтэй шатарчдын дунд анхдагч амжилтын эзэн болсон Д.Номин-Эрдэнэ өдгөө Унгар Улсад гэр бүлийн хамт амьдардаг аж.

Монголын шатарчдаас их мастер цолонд Б.Хатанбаатар, Д.Шаравдорж, Ц.Батчулуун, Б.Гүндаваа, Д.Номин-Эрдэнэ /эмэгтэйчүүдийн их мастер, эрэгтэйчүүдийн олон улсын мастер/, эмэгтэй их мастер цолонд Б.Мөнгөнтуул, Т.Батчимэг, Ү.Үүрийнтуяа, А.Энхтуул, Б.Аминаа нар хүрээд байна.

Нийтэлсэн: У.Баярсайхан

Шатрын их мастерын болзлыг 19 настай Б.Номин-Эрдэнэ биелүүлжээ   
Үзсэн: 515 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй