Шууд Chart

Орхончууд Маршал Ю.Цэдэнбал агсны хөшөөнд цэцэг өргөжээ

2019-09-17 13:10:20

Монголын төр, нийгмийн нэрт зүтгэлтэн, БНМАУ-ын баатар, хөдөлмөрийн баатар, Маршал Юмжаагийн Цэдэнбалын мэндэлсний 103 жилийн ой өнөөдөр тохиож байна.

Энэхүү өдрийг тохиолдуулан “Эрдэнэт үйлдвэр” ТӨҮГ-ын өмнөх хөшөөнд  нь Ю.Цэдэнбал академын Орхон аймаг дахь салбарын сайн дурын гишүүд, Эрдэнэт үйлдвэрийн ажилчид цэцэг өргөж, хүндэтгэл үзүүллээ.  

Тэрээр Монгол орныг аж үйлдвэржүүлж, хөдөө аж ахуй, газар тариаланг хөгжүүлж, хүн амаа шинэ бичиг үсэгт хамруулж, эрүүл мэнд, боловсрол, шинжлэх, ухаан, соёлын салбарыг хөгжүүлэхэд төдийгүй өнөөгийн “Эрдэнэт үйлдвэр”, Эрдэнэт хотыг бүтээн байгуулах их үйлсэд онцгой ач холбогдол өгч ажилласан, Эрдэнэтийн иргэд, уурхайчид, ирээдүй хойч үед үнэтэй хувь нэмэр оруулсан гавъяатай хэмээн тус нйтгийнхан үзэж, ийнхүү хүндэтгэл үзүүлсэн байна.

Ю.Цэдэнбал академын Орхон аймаг дахь салбар нь Орхон аймагт 2014 оноос хойш үйл ажиллагаа явуулж иржээ. Энэ оны тухайд тэд Эрдэнэт хотноо Ю.Цэдэнбал агсны нэрэмжит гудамж байгуулах тухай саналыг орон нутгийн удирдлагуудад хүргүүлж байжээ. Мөн түүний Эрдэнэтэд оруулсан хувь нэмрийг өгүүлсэн түүхэн ном гаргахаар төлөвлөжээ.

Нийтэлсэн: Moнголын мэдээ

Орхончууд Маршал Ю.Цэдэнбал агсны хөшөөнд цэцэг өргөжээ   
Үзсэн: 356 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй