Шууд Chart

"ПСЖ" яагаад Неймарыг явуулаагүй вэ?

2019-09-17 13:25:45

Хуучин багтаа очих гэсэн Бразил довтлогчийн хүсэл биелээгүйд Парисын багийн удирдлага сэтгэл хангалуун байна.

“RMC Sport” сонины сэтгүүлч "ПСЖ"-гийн удирдлагуудын нэгнээс Неймарын наймааны талд ямар бодлого баримталж байсан талаар ам алдуулж дөнгөжээ.

Тэгэхэд тэд "Солилцоо наймааны цонх хаагдсанаар бид тайван байж чадахаар боллоо. Бидний гол зорилго бол "Барселона"-г хүчирхэгжүүлэхгүйн тулд Неймарыг ямар ч үнээр хамаагүй үлдээх явдал байсан. Үнэнийг хэлэхэд өөр багийн төлөө гялалзах Неймарын эсрэг тоглосноос бага зэргийн гунигтай Неймарыг өөрийнхөө бүрэлдэхүүнд харах нь илүү ашигтай. Бид энэ улиралд Неймар, Мбаппе, Кавани, Икарди гэсэн дээд зэрэглэлийн дөрвөн довтлогчтойгоор бүх фронтод амжилт үзүүлнэ гэж найдаж байна" хэмээжээ.

Нийтэлсэн: У.Баярсайхан

"ПСЖ" яагаад Неймарыг явуулаагүй вэ?  
Үзсэн: 746 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй