Шууд Chart

Хээрийн судалгааны баг 27 зүйлийн 558 шувууг бөгжилжээ

2019-09-18 10:16:54

Ингэхдээ өдөрт дунджаар 65, зарим үед 124 шувуу бөгжилснийг МУИС-ийн Экологи, байгаль хамгааллын тэнхимийн багш О.Адъяа онцлов.

Борлог (120), бүхт (119), умардын дууч шувуу (105), тарчигна зэржигнэ (102), хурган намнаа (72) зэрэг зүйл нь нийт бодгалийн 88 хувийг эзэлжээ. Харин тольт дунхай, халиун хөөндэй, их алаг тоншуул зэргээс тус бүр нэгийг барьсан байна. Мөн тарчигна зэржигнэ зүйлийн шувуу урьд жилүүдийнхээс олон баригдсан нь манайд үрждэг байх магадлалтайг судлаачид онцоллоо. Түүнчлэн шар элэгт хөмрөг, их алаг тоншуул зэрэг өмнө барьж байгаагүй зүйлийн шувууг бөгжилсөн нь онцлог юм. Энэ нь Өмнөговь аймгийн Булган сумын нутаг Баянзагийн зүүн хойно орших Молцог элс орчимд үрждэг боршувуутны багийн цөөн зүйлийн нэг аж.

Сонирхуулахад, шувуу бөгжилснөөр нүүдлийн зам болон үржлийн бүс нутгийг нь тодорхойлж, хамгаалах зэрэг ач холбогдолтой.

Нийтэлсэн: Т.Болор-Эрдэнэ

Хээрийн судалгааны баг 27 зүйлийн 558 шувууг бөгжилжээ  
Үзсэн: 301 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй