Шууд Chart

Ерөнхийлөгч Х.Баттулга, Ерөнхий сайд У.Хүрэлсүх хамгийн өндөр санал авчээ

2019-09-18 10:28:41

“Монголын улс төрийн намын төлөвшилтийн асуудлууд” хэлэлцүүлгийг өчигдөр Монголын дипломат академийнхан болон “МИРИМ консалтант” судалгааны байгууллага, Монгол дахь Конрад аденауэрийн сангийнхан хамтран зохион байгууллаа. Хэлэлцүүлгийн үеэр “МИРИМ консалтант”-ынхан “Монгол Улсын нийгэм, улс төрийн өнөөгийн байдал” сэдвээр хийсэн судалгааныхаа дүнг танилцуулав. Үүгээр улс төрийн намд итгэх иргэдийн итгэл, дэмжлэг сул байгааг харуулсан байна. Тухайлбал, ирэх оны сонгуульд аль намыг дэмжих тухай асуултад судалгаанд хамрагдсан иргэдийн 45.9 хувь нь “мэдэхгүй”, 19.2 хувь нь МАН, 18.4 нь АН, 10 хувь нь МАХН, 11.7 хувь нь бусад нам, хүчинд санал өгнө гэж хариулжээ. Түүнчлэн судалгаанд оролцогчдын 59.5 хувь нь “Ерөнхийлөгчийн засаглалтай болох хэрэгтэй” гэсэн. аж

Мөн Ерөнхий сайд У.Хүрэлсүх (34.6 хувь), Ерөнхийлөгч Х.Баттулга (20.6) нар судалгаанд оролцсон иргэдээс хамгийн олон санал авч улс орныг удирдаж чадах улстөрчөөр шалгарчээ.

Сонирхуулахад, дээрх судалгаанд нийслэлийн зургаан дүүргийн 380 гаруй иргэнийг хамруулсан. Үүнээс 57.1 хувь нь эмэгтэй бөгөөд салбар бүрийн төлөөлөл багтсан юм байна.

Нийтэлсэн: Т.Болор-Эрдэнэ

Ерөнхийлөгч Х.Баттулга, Ерөнхий сайд У.Хүрэлсүх хамгийн өндөр санал авчээ  
Үзсэн: 2823 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй